Obadiah 1:1 - Tedim Bible

¹ Obadiah gen kholhna: Edom mite gam tawh kisai-in Topa Pasian in hih bangin a gen hi. Minamte lakah kamtai khat kisawl zo a, “Kithawi un! Edom mite do dingin kuankhia ni” a cihna thu ka za zo hi.

Tedim Bible Revision 2017

¹ Obadiahʼ gen kholhna: Edom gam tawh kisai-in Topa Pasian in hih bangin gen hi: Minamte lakah kamtai khat kisawl zo a, “Kithawi un! Edom mite a sim gawp dingin kuan khia ni,” a cihna thu ka za zo hi.

Obadiah 1:1 Referans Kwoze

Joel 3:19

Amaute in Judah gam simin, mawhnei lo mite that uh ahih manin, Izipt gam in sehnel gam suakin, Edom gam in gamsia suak ding hi.

Isaiah 30:4

Bang hang hiam cih leh amau’ uliante in Zoans khua-ah va tung a, amau’ tangmite in Hane khua a va phak uh hangin,

Isaiah 21:11

Edom gam tawh kisai thu: Seir mual tung panin khat in kei hong sam a, “Gal vilpa aw, tu zan bangci hiam? Gal vilpa aw, tu zan bangci hiam?” hong ci hi.

Late 137:7

Topa aw, Jerusalem a siat ni-a Edom mite in, “Sumai un, sumai un! A bulpi dongin sumai un!” a cih vialna uh phawk in.

Marka 13:7

Galdona thu leh gal kikapna thu na zak uh ciangin lunghimawh kei un. Tuate a piang ding uh hi. Ahih hangin a beina a tung nai kei ding hi.

Mattiu 24:6

Galdona thu leh galkap nading thu na za ding uh hi. Ahih hangin na lunghihmawh loh nadingun na kingaihsun un. Bang hang hiam na cih uh leh, tua thu khempeuh a piang ding uh hi. Ahih hangin, a beina a tung nai kei ding hi.

Micah 2:13

Pasian in lampi hong hon’sakin, na maiah hong paikhiatpih ding hi, Salsuahna khuapi kulh kongpi panin paikhia-in na suakta ding uh hi. Kumpi ahi Topa mahmah in hong makaih ding hi.

Jeremiah 51:46

Gam sunga kam dawn kigen sawnte hangin, lungkia kei un, lau kei un. Kum khatin thu khat kigen a, a kum kik ciangin thudang khat kigen lel hi. Gam sungah ngongtatna thu om a, kumpi khat leh kumpi khat kidona thu kigen thei hi.

Jeremiah 25:21

Edom, Moab leh Ammon mite;

Jeremiah 25:17

Tua ahih manin kei zong Topa’ khut tung panin tua hai ka la a, Topa’ hong sawlna gamte khempeuh ka dawn sak hi.

Isaiah 21:12

Gal vilpa in, “Zing ni hong suak a, zan khua zong hong mial hi. Thukan nuam na hih leh, hong paikik in la, hong kan in,” a ci hi.

Piancilna 25:30

Esau in Jakob kiangah, “Tua meh san tawm khat hong nesak in, bang hang hiam cih leh phukhong vei ing!” ci hi. (Tua ahih ciangin ama' min Edom kici hi.)

Piancilna 36:8

Tua ahih ciangin Seir mual tung gamah Esau teng hi; Esau in Edom ahi hi.

Piancilna 36:9

Hihte in Seir mual tung gam-a Edom mite’ pa Esau’ tangthu ahi hi.

Ezekiel 35:1

Topa in kei kiangah thu hong gen a,