Nehemiah 9:8 - Tedim Bible

⁸ Nangma tungah amah a cihtakna na mu a, Kanaan mite gam, Hit mite gam Amor mite gam, Perez mite gam, Jebus mite gam, leh Girgash mite gam, amah leh a suan leh khakte tungah piak dingin ama tungah thuciamna khat na bawl hi. Nangmah thuman na hih manin na thuciamna na tungsak hi.

Tedim Bible Revision 2017

⁸ Nangma tungah amah a cihtakna na mu a, Kanaan mite gam, Hit mite gam, Amor mite gam, Perez mite gam le Girgash mite gam, amah le a suanlekhakte tungah piak dingin ama tungah thuciamna khat na bawl hi. Nang thuman na hih manin na thuciamna na tungsak hi.

Nehemiah 9:8 Referans Kwoze

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Piancilna 15:6

Amah in Topa um hi; tua ahih manin ahi ding bangin Abram gamta hi, ci-in Topa in ciamteh hi.

Joshua 23:14

“Tu-in leitung khempeuh ngeina bangin kei a pai ding ka hi ta a, note khempeuh in na lungsim uh leh na nuntakna uh ah, Topa na Pasian un note tawh kisai nahoih hong ciam khempeuh khat zong mawk mai lo ahihna na thei uh hi; a vekpi-in note’ adingin hong tung a, khat zong mawkmai lo hi.

Piancilna 12:7

Tua ciangin Abram’ tungah Topa kilang a, “Na suan-le-khakte' tungah hih leitang ka pia ding hi,” ci hi. Tua ahih ciangin amah in ama' tunga kilang Topa adingin biakna tau khat bawl hi.

1 JOHAN MASA 1:9

I mawhnate pulakin thuum lehang, i mawhnate maisakin, i gitlohna khempeuh sawpsiang nadingin amah in thuman thutak tawh ahi zongin, dikna thu tawh ahi zongin a dim hi.

Hebru 11:17

Abraham in ze-etna a thuak ciangin upna tawh Isaak biakna-ah a pia hi. “Isaak tung bekah na suan na khak kici ding hi,” ci-a thupiak kholhna akipan thuciamnate lungdamin a sang mi hi-in, khat bek a neih tapa a pia hi.

Sawltak 13:22

Tua pa a khinkhiat khit ciangin David kumpipa a koih hi. ‘Ka deih bangin a sem ding, ka lungsim tawh kituak mi, Jessi’ tapa David ka mu zo hi,’ ci-in amah ading teci a pang hi.

Joshua 11:23

Topa in Moses tungah a gensa bangin Joshua in leitang khempeuh la hi; tua ciangin Joshua in amau minam tawh kizui-in a ngah ding bangin Israel mite tungah gamh-in pia hi. Tua-a kipan galdona panin tua gam tawlnga hi.

Joshua 11:3

nisuahna leh nitumna lam-a om Kanaan mite, Amor mite, Hit mite, Perez mite, leh mualtung gam-a om Jebus mite, leh Mispah gam Hermon nuai-a Hiv mite tungah thu puak hi.

Joshua 9:1

Jordan gal khat-a om mualtung gam leh lei niamna gam Lebanon lam Tuipi Lian dung khempeuhah a om kumpite, Hit mite, Amor mite, Kanaan mite, Perez mite, Hiv mite, leh Jebus mite in hih thu a zak uh ciangin,

Thu-hilhkikna 26:3

Tua hun lai takin na a sem siampipa kiangah pai-in ama kiangah, ‘Topa in kote piak dingin ka pate uh tungah a ciam leitangah ka tun’ khitna uh thu tu ni-in Topa na Pasian kiangah kong ko hi,’ na ci ding uh hi.

Thu-hilhkikna 9:5

Na thumanna hang uh ahi a, na lungsim manna hang uh tawh ahi zongin amau’ leitang luah ding na hi kei uh hi; Topa na Pasian un na mai panun amaute a hawlkhiatna in hih minamte’ gitlohna hang leh Topa in na pu na pate uh Abraham, Isaak leh Jakob tungah a thuciamna kammal a kipsak theih nading ahi hi.

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, leh Jebus mite, no sangin lianzaw-in a thahat zaw minamte note mai panin siang khia sakin,

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

Paikhiatna 3:17

Izipt gimna panin note hong lakhia-in Kanaan mite, Hit mite, Amor mite, Pere mite, Hiv mite leh Jebus mite’ leitang, bawngnawi leh khuaizu a luan’na leitangah note kong paipih ding ka kiciam hi,' ci hi," va ci in.

Paikhiatna 3:8

Izipt mite’ khut sung panin amaute khahkhia-in, tua leitang panin amaute lakhia-in a hoih a tanzau leitang, bawngnawi leh khuaizu a luan’na leitang, Kanaan mite, Hit mite, Amor mite, Perez mite, Hiv mite leh Jebus mite’ omna-ah amaute paipih dingin kong paisuk hi.

Piancilna 22:12

Amah in, “Tangvalpa su kei in, ama' tungah bangmah hih kei in; bang hang hiam cih leh nang in Pasian na zahtakna tu-in ka thei a, na tapa, na tapa khat bek ahi, keima adingin na humcip lohna ka mu hi,” ci hi.

Late 116:5

Topa dikin thuman a, i Pasian in hehpihna nei hi.

Gamlak-vakna 13:29

Amalek mite Negeb gamah teeng uh hi; Hih mite, Jebus mite, leh Amor mite mual tung gamah teeng uh hi; Kanaan mite tuipi gei leh Jordan dungah teeng uh hi,” ci-in gen uh hi.

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

2 SAMUEL NIHNA 22:31

Hih Pasian a thu kicing hi; Topa’ kamciamna a manna kilang hi, amah a belte khempeuh adingin amah in kidalna lum ahi hi.

1 KHANG TANGTHU MASATE 1:14

leh Jubus mite, Amor mite, Girgash mite,

1 KHANG TANGTHU MASATE 16:16

Abraham tawh a bawl thuciamna, Isaak tungah kiciamin a khapna,

Ezra 9:15

Israel Pasian, Topa aw, nang na thutang a, ahi zongin tu ni-a a om lai ko teng nong suakta sak veve hi. Na muhna ah kote a mawhpi mah hita le ung hong hehpih in; bang hang hiam cih leh mawhna hangin nangma mai-ah kuamah om thei lo hi,” ci-in thu ka ngen hi.

Nehemiah 9:33

Kote tungah hong tungsa thu khempeuh ah nangmah a thutang na hi a, nang citakin a om na hi a, ko a khial gamtat kha ka hi uh hi.

Ezekiel 33:24

“Ezekiel aw, Israel gam khuapi siate sunga teeng mite in, ‘Abraham, mi khat bek hi napi-in gambup kipia hi. Tu-in eite in tampi i hih ciangin hih gamin eima aa hi taktak hi,’ ci uh hi.