Nehemiah 9:6 - Tedim Bible

⁶ Nang bek in Topa na hi hi; nangmah in van sangpen vantung a, aksihonpite tawh, leitung leh a tunga om khempeuh, tuipi leh a sunga om khempeuh na bawl hi. Nangmah in tuate khempeuh na piangsak a, vantungmi honpi in Nang hong bia uh hi.

Tedim Bible Revision 2017

⁶ Nang bek Topa na hi hi. Nangmah in a sang pen vantung le van a om khempeuh, leitung le a tunga om khempeuh le tuipi le a sunga om khempeuh na bawl hi. Nangmah in tuate khempeuh na omsak a, vantung mihonpi in nang hong bia uh hi.

Nehemiah 9:6 Referans Kwoze

Isaiah 37:16

“Vanglianpen Topa, Israelte’ Pasian, Kherubte tunga a tupa aw, leitung kumpi gam khempeuhte’ tungah nang bek Pasian na hi hi; nangmah in vantung leh leitung na bawl khin hi.

Piancilna 1:1

A kipat cil-in Pasian in vantung leh leitung a piangsak hi.

Mangmuhna 4:11

“Kote’ Topa, kote’ Pasian aw, nang in na khempeuh na piangsak a, Nangma deihna hangin piangin a om uh ahih ciangin, tua minthan’na, pahtawina leh vangliatnate ngah dingin na kilawm hi.” ci-in a phat uh hi.

Thu-hilhkikna 10:14

En un, vantung leh vantung a sangpente leh leitung leh a sunga om khempeuh in Topa note’ Pasian’ aa ahi hi;

Thu-hilhkikna 6:4

“Israelte aw, za un; Topa i Pasian in Topa khat bek ahi hi;

Isaiah 44:8

Lau kei un la, kihta kei un; tanglai pek panin note kiangah hong genin pulak khin hilo ka hi hiam? Note in keima tecite na hi uh hi! Kei sim loh Pasian dang om ahi hiam? Suangpi dang om lo hi; khat beek ka thei kei hi,” ci hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

2 KUMPI NIHNATE 19:15

Tua ciangin Hezekiah in Topa’ mai-ah thu ngenin, “Topa, Israel Pasian, kherubte tungah a tupa aw, leitung kumpi gam khempeuh lakah nangmah, nangmah bek in Pasian na hi hi; nangmah in vantung leh leitung na bawl hi.

Piancilna 2:1

Tua ahih ciangin vantung leh leitung leh a sunga omte khempeuh kiman khin hi.

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

Mangmuhna 14:7

Tua vantungmi in, “Pasian kihta un la, a vangliatna phat un. Bang hang hiam na cih uh leh, a thukhen ding hun a tungzo hi. Vantung, leitung, tuipi leh cikte a piangsakpa na bia un,” ci-in nakpi-in kiko-in a gen hi.

Late 36:6

Na thumanna in Pasian’ mualte tawh kibang a, na thukhennate in tuipi thuk tawh kibang hi; mihing leh ganhing na hon hi, Topa aw.

1 KUMPI MASATE 8:27

“Ahih hangin leitungah Pasian teeng taktak ding ahi hiam? En in, vantung leh vantung a sangpen in nang hong huam zo lo hi; keima lamsa hih inn in bangzahin nang hong huam zo lo zaw kan ding ahi hiam!

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 1:6

Lam khat panin a Tapa upa leitungah a hong sawl ciangin: “Pasian’ vantungmi khempeuh in bokin Amah a bia uh hi,” ci-in a gen hi.

Isaiah 37:20

Tua ahih ciangin Topa aw, nang bek Pasian na hihna leitung kumpi gam khempeuh in a theih nadingin, tu-in ama khut sung panin kote hong honkhia in,” a ci hi.

Late 86:10

Bang hang hiam cih leh nangmah in nalamdangte bawlin a lian na hi a, nang bek in Pasian na hi hi.

2 KUMPI NIHNATE 19:19

Tua ahih ciangin tu-in, Topa kote’ Pasian aw, leitung kumpi gam khempeuh in nang, nang bek Pasian na hihna a theih nadingun ama khut panin kote hong honkhia in, kong thum hi, Topa aw,” a ci hi.

Ezekiel 20:11

a zui peuhpeuh a nuntak theih nadingin ka thukhamte leh ka thupiaknate ka hilh hi.

Late 146:6

Amah in van leh lei, tuipi leh tuate sunga omte khempeuh bawl a, a tawntungin thuman hi;

Late 103:21

Ama deih banga gamta ama nasem, ama vantungmi hon khempeuhte aw, Topa phat un!

Late 33:6

Topa’ kampauna tawh vantung piang a, ama kam pan-a husan’na tawh vantung nate a piang hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

Johan 10:30

Keimah in ka Pa tawh pumkhat ka hi uh hi,” ci-in a gen hi.

Piancilna 32:2

Jakob in amaute a muh ciangin amah in, “Hih in Pasian’ galkapte hi!” ci hi. Tua ahih ciangin tua mun pen Mahanaim ci-in min phuak hi.

Sawltak 4:24

Tua mite in a zak uh ciangin lungsim kikhatin, Pasian kiangah kiko-in, “Vantung leh leitung, tuipi leh tuipi sungah a om khempeuh a Bawlpa, Topa aw,

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah, leh Pathahiah-te in, “Ding un, Topa na Pasian uh phat un la, ‘A tawntung pan a tawntung dongin a minthang na min in thupha ngah a, thupha khempeuh leh phatna dang khempeuh sangin sangzaw hi.

Late 24:10

Hih minthang Kumpipa kua ahi hiam? Vanglianpen Topa, minthang Kumpipa ahi hi.

Late 102:25

Tanglai hunin nangmah in leitung bulpi na koih a, vantungte zong nangma khut tawh na bawlsa ahi hi.

Late 115:15

Van leh lei a bawl Topa in note thupha hong pia ta hen!

Isaiah 45:12

Keimah in leitung ka bawl a, tua tungah mi ka piangsak hi; keima khut in vantungte zal a, keimah in vantung na honpite khempeuh thu ka pia hi.

Jonah 1:9

Amah in, “Keimah in Hebru mi ka hi hi; tuipi leh leitung a bawl, vantungte’ Pasian ahi Topa ka bia hi,” a ci hi.

Piancilna 1:9

Pasian in, “Vantung nuai-a om tuite mun khatah kikhawm hen la, lei keu kidawk hen,” ci hi. Tua mah bangin piang pah hi.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Late 124:8

Van leh lei a bawl Topa’ tung panin eite hong kihuhna hong pai hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.