Nehemiah 9:15 - Tedim Bible

¹⁵ A gilkialna uh a vahsak dingin vantung panin an na pia a, a dangtakna uh a phasak dingin suangpi panin tui na phulsak a, amaute tungah piak dingin na kiciamsa gamah lutin a luah nadingun amaute na sawl hi.

Tedim Bible Revision 2017

¹⁵ A gilkialna uh a vahsak dingin vantung panin an na pia a, a dangtakna uh a phasak dingin suangpi panin tui na phulsak a, amaute tungah piak dingin na kiciam sa gamah lutin a luah nadingun amaute na sawl hi.

Nehemiah 9:15 Referans Kwoze

Thu-hilhkikna 1:8

En un, note mai-ah leitang ka koih zo hi; pai un la, Topa in na pate uh Abraham, Isaak leh Jakob tung leh amau nunga a suan leh a khakte uh tungah piak dingin a ciam leitang luah un,’ hong ci hi.

Paikhiatna 17:6

En in, Horeb-a suangpi-ah nangma' mai-ah ka ding ding hi; nang in suangpi na sat ding a, mite in tui a dawn theih nadingin tua suang panin tui hong phul khia ding hi,” a ci hi. Isarel upate’ muhna-ah tua mah bangin Moses gamta hi.

Paikhiatna 16:4

Tua ciangin Topa in Mose' kiangah, “En in, note adingin vantung panin an kong zusak ding hi; keima' thu a zuih uh leh a zuih loh uh ka theihtel nadingin mite paikhia-in ni simin ni khat kham khop ding kaikhawm ding uh hi.

Ezekiel 20:15

Tua ahih manin bawngnawi leh khuaizu a luan’na gam hoihpen ahi, amaute tungah ka piaksa gamah amaute ka paipih loh nading thu, gamlakah ka kiciam hi.

Thu-hilhkikna 8:3

Mite in an bek tawh nungta loin Topa’ kam sung panin a pusuak thu khempeuh tawh a nungta hi, ci-in note hong theihsak nadingin, amah in note hong niamkhiatin hong gilkial sak a, note hita leh na pu na pate uh hita leh in a theih ngei loh uh manna tawh hong vaak hi.

Nehemiah 9:20

Amaute a thuhilh dingin a hoih na Kha Siangtho na pia a, na manna an zong amaute kiang panin na la kik kei a, a dangtakna uh a phasak dingin tui na pia hi.

Thu-hilhkikna 1:21

En un, Topa na Pasian un note mai-ah leitang koih zo hi; Topa, na pate uh Pasian in note tungah hong gensa bangin pai un la, luah un; lau kei un la, lungkia kei un,’ kong ci hi.

Gamlak-vakna 14:30

Jefunneh’ tapa Kaleb leh Nun’ tapa Joshua sim loh, note teengsak dingin ka kiciamna leitangah khat beek na tung kei ding uh hi.

Piancilna 14:22

Ahih hangin Abram in Sodom kumpipa' kiangah, “Vantung leh leitung a bawl, Sang Pen Topa Pasian' tungah ka kiciam khin zo hi,

Paikhiatna 6:8

Abraham, Isaak, leh Jakobte’ tungah khutlaam a, ka ciam leitangah note kong paipih ding hi; note' tungah tua leitang na neih dingun kong pia ding hi. Keimah Topa ka hi hi,’ ci in,” a ci hi.

Paikhiatna 17:3

Ahih hangin tua mun-ah tui duhin mite dangtak uh a, Moses tungah mite phun-in, “Kote leh ka tate uh leh ka ganhingte uh dangtakin a si dingin bang hangin Izipt panin kote hong paipih to na hi hiam?” ci uh hi.

Isaiah 48:21

Amah in sehnel gam kantanin amaute a paipih ciangin a dang uh taak lo hi; suangpi panin amau adingin amah in tui luangsak hi; amah in suangpi khangkham sak a, tui phulkhia hi.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.