Nehemiah 9:10 - Tedim Bible

¹⁰ amaute in ka pute ka pate uh kihihsakna tawh a hih gawpna thei na hih manin Faro leh a nasemte leh a gam mi khempeuh langpanin lim leh nalamdang na bawl hi; tua hi a, tu ni dongin a kip min khat nangma adingin na ngah hi.

Tedim Bible Revision 2017

¹⁰ amaute in ka pu ka pate uh kihihsakna tawh a hih gawpna thei na hih manin Faro le a nasemte le a gam mi khempeuh langpangin lim le nalamdang na bawl hi. Tua hi a, tu ni dongin a kip minphatna khat nangma aʼ dingin na ngah hi.

Nehemiah 9:10 Referans Kwoze

Daniel 9:15

Kote’ Topa Pasian aw, na mihingte Izipt gam panin a vanglian khut tawh nong lakhia a, na min tu dongin a kiphawk lai hi. Ka mawh khin uh a, ka khial khin uh hi.

Jeremiah 32:20

Izipt gamah lim leh nalamdangte na lak a, tu-in zong Israel gam leh minam dang khempeuhte’ tungah lakin, tu-in mun khempeuh ah na min lian mahmah hi.

Isaiah 63:14

Lonona kuamsung a zuansuk bawngte bangin, Topa’ Kha in amaute tawldamna a pia hi. Tua bangin Topa in a mite lamlak ahih manin ama minthang tawntung hi.

Isaiah 63:12

Moses, tung tawnin a vangliatna khut zangin na lianpipi a sempa, ama mite’ mai-ah tuite khenkhamin, amah a minthan’ tawntung nadingin hih bang nate a sempa, tu-in koi-ah om ta ahi hiam, ci uh hi.

Thu-hilhkikna 4:34

Tua ahih kei leh, Topa na Pasian un Izipt gam sungah note adingin na muhna uhah a bawlte khempeuh tawh kibangin, ze-etna, lim, nalamgdang, gal, a vanglian leh a thahatna leh launa lianpi tawh pasian khat sung pan minam khat a va lak ding hanciam ngam ngei ahi hiam?

Paikhiatna 18:11

Topa in pasian khempeuh sangin a liat zawkna tu-in ka thei hi, bang hang hiam cih leh mite' tungah kiphatsakna tawh Izipt mite a gamtat lai takin amah in Iziptte’ khut nuai panin mite khahkhia hi,” a ci hi.

Paikhiatna 5:2

Ahih hangin Faro in, “Ama' aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi,” ci hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

ROM (Romans) 9:17

Lai Siangtho sungah Faro kumpipa kiangah, “Ka vangliatna nangma tungah ka lah nading ahi zongin, ka min leitung khempeuh ah a kizelh nading ahi zongin nangmah kong sangsak zo hi,” a ci hi.

Sawltak 7:36

Tua pa in Israel mipawlte paikhiatpih a, kum sawmli tawntung Izipt gam San Tuipi sung leh gampa lakah nalamdangte leh limte a bawl hi.

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Ezekiel 20:9

Ahi zongin, Izipt gam panin no Israel mite kong paikhiatpih ding hi, ci-in amau’ ompih mite’ zakin gen khin ka hih manin, tua bangin daan thuaksak leng, keima min a kidaisak suak ding cih ngaihsutna hangin daan ka pia kei hi.

Late 83:18

Topa a kici min nei nangmah bek in leitung khempeuhah a Sang Penpa na hihna amaute thei sak in.

Paikhiatna 7:1

Topa in Moses kiangah, “Thei in, Faro’ tungah Pasian bangin nang kong bawl hi; na sanggampa Aaron in na kamsangpa hi ding hi.

Paikhiatna 3:20

Tua ahih ciangin keimah in ka khut zan-in tua sunga ka hih ding nalamdangte tawh Izipt ka vat gawp ding hi. Tua khit ciangin amah in note hong paisak ding hi.

Paikhiatna 9:16

ahih hangin leitung khempeuhah keima' min a kipulak theih nadingin nang' tungah ka vangliatna lah ding deihna-in nang kong nungtasak hi.

Nehemiah 9:16

“‘Ahi zongin kote’ pute pate kihisakin lung khauh uh a, na thupiaknate mang lo uh hi.

Nehemiah 9:29

Tua hi a, na thukham lamah amaute hong kihei kik nading lim takin amaute na hilhkhol a, ahi zongin amaute kihisakin na thupiaknate don lo uh hi; a zuite tungah nuntakna a pia thei ahi na ngeina kip tungah amaute khial uh hi. Lung khauhin phengphi-in amaute kiheikhia uh a, thu mang nuam lo uh hi.

Thu-hilhkikna 7:19

na mitte un a muhsa a lian ze-etnate, limte, nalamdangte, a vangliatna leh Topa na Pasian un hong paikhiatpihna a thahatna phawk ding uh hi; Topa na Pasian un na kihtak uh mi khempeuh tungah tua bangin hih ding hi.

Isaiah 42:20

Israel in na tampi mu a, ahih hangin tuate encian lo hi; ama bilte kihong a, ahih hangin amah in khua za lo hi.