Nehemiah 9:1 - Tedim Bible

¹ Tua kha mah a ni sawmnih-le-li ni-in an tang dingin Israel mite kikhawm uh a, puanhampi silhin a lu tung uhah lei kibuak uh hi.

Tedim Bible Revision 2017

¹ Tua kha mah a ni sawm nih le li ni-in an tang dingin Israel mite kikhawm uh a, puanhampi silhin a lu tung uh ah lei kibuak uh hi.

Nehemiah 9:1 Referans Kwoze

Nehemiah 8:2

Tua hi a, a kha sagihna a ni khat ni-in numei pasal, leh thu telthei ding a kikhawm khempeuh’ mai-ah siampi Ezra in thukham laibu hong paipih hi.

Ezra 8:23

Tua hi a, kote in an ka tang uh hi; nuamtak-a ka khualzin theih nading uh i Pasian tungah ka ngen uh a, amah in ka thungetna uh hong pia hi.

Joshua 7:6

Tua ciangin Joshua in dahna lim-in ama puante balkeekin nitak mateng Topa thuciamna singkuang mai-ah, amah leh Israel upate boksuk uh hi; amaute in a lu tung uh ah leivui koih uh hi.

1 SAMUEL MASA 4:12

Galphual panin Benjamin mi khat hong tai-in a puan kikeek leh a lu tungah lei khu-in Shiloh hong tung hi.

Isaiah 22:12

Tua ni ciangin Vanglianpen Topa Pasian in kahna leh thuumna, sam mettolna leh puanhampi silh ding thu hong pia hi;

JOB (Job) 2:12

Amaute in a gamla sim mun panin Job a muh tungun amah thei pah lo uh hi; tua ciangin amaute a gingin kap khia uh a, a puan uh balkeekin a lu tung uh a tu dingin leivui lawn to uh hi.

Esther 4:16

“Pai-in Susa khua sunga om Judah mi khempeuh khawm in la, keimah ngaihsutna-in an na tang un; a sun a zan ci loin ni thum sung an ne lo, tui dawn loin na om un. No tan’ mah bangin kei leh ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai ding hi; ka sih leh zong a si ka hi ding hi,” a ci hi.

Esther 4:3

Kumpipa’ thupiakna a tun’na gam Judah mite’ omna khempeuh ah nakpi tak-a thuumna leh tauna, an tan’na, kahna, leh dip humna om hi. Mi a tamzaw in puanhampi silhin vut lakah lum uh hi.

2 KHANG TANGTHU NIHNATE 20:3

Tua ciangin Jehoshafat lau a, amahmah in Topa’ lamlah nading zong a, Judah gam khempeuh ah antan’ ding thu zasak hi.

2 KHANG TANGTHU NIHNATE 7:10

A kha sagihna a ni sawmnih leh ni thum ni-in, Topa in David leh Solomon leh ama mi Israel tungah a hoih a bawlna hangin amah in lungdamna leh kipahna tawh a inn uhah mite ciah khia sak hi.

2 SAMUEL NIHNA 1:2

a ni thum ni-in, en in, a puan kikeekin a lu tungah lei omin Saul’ giahphual panin mi khat hong pai hi. David kiangah amah hong tun’ ciangin lei lakah pukin zahtakna bawl hi.

Thukhente 20:26

Tua ciangin Israel mite khempeuh, galkap vekpi paito-in Bethel-ah tungin kap uh hi; tua lai mun Topa’ mai-ah amaute tu-in nitak dong tua ni an tang uh a, Topa mai-ah meihal biakna leh thunuam-a biakna pia uh hi.

Siampi Laibu 23:39

“Note in leitanga piangte na kaihkhop khit uh, kha sagihna a ni sawm-le-nga ni akipan ni sagih sung Topa’ pawi na bawl ding uh hi; a ni masa ni in a thupi tawlngakna khat hi a, a ni giat ni zong a thupi tawlngakna khat mah hi ding hi.

Siampi Laibu 23:34

“Israel mite tungah hih bangin gen in: Hih kha sagihna a ni sawm-le-nga ni akipan ni sagih sung in Topa ading buk pawi ahi hi.

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.

1 SAMUEL MASA 7:6

Tua ahih ciangin amaute Mizpah-ah kikhawm uh a, tui tawi-in Topa mai-ah sungkhia uh a, tua ni-in an tangin tua lai munah, “Topa tungah i khial khin zo hi,” a ci uh hi. Samuel in Israel mite Mizpah-ah thukhen hi.

Ezra 8:21

Tua ciangin eite’ Pasian’ mai-ah kote kiniamkhiat thei-in kote leh ka naupangte uh leh ka neihsa khempeuh uh nuam takin ka khualzinna uhah ka pai theih nading uh Pasian’ tung pan ka nget theih nadingun Ahava lui-ah antan’ nading thu ka taangko hi.

Joel 2:12

Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.