Nehemiah 8:6 - Tedim Bible

⁶ Tua ciangin Ezra in a lian Pasian, Topa thupha pia a, mi khempeuh in a khut uh laamto-in, “Amen, Amen,” ci-in dawng uh hi; tua ciangin a lu uh kunin lei lam mai ngatin Topa bia uh hi.

Tedim Bible Revision 2017

⁶ Tua ciangin Ezra in a lian Pasian, Topa thupha pia a, mi khempeuh in a khut uh laam to-in, “Hi tahen. Hi tahen,” ci-in a dawng uh hi. Tua ciangin a lu uh kunin lei lam maingatin Topa a bia uh hi.

Nehemiah 8:6 Referans Kwoze

1 TIMOTI MASA 2:8

Tua ahih ciangin mun khempeuh ah pasalte in hehna, kinialna om loin a khut siangtho lamto-in thu a nget ding uh ka deih hi.

Kah la 3:41

Vantunga a om Pasian tungah i lungsim pia-in thungen ni.

Paikhiatna 4:31

Mite in um uh hi; Israel mite' kiangah Topa lungnuam loin, amau’ thuaknate amah in a muh khitna thu amaute in a zak uh ciangin, amaute in a lu uh kunin bia uh hi.

2 KHANG TANGTHU NIHNATE 20:18

Tua ciangin Jehoshafat in a maitang lei lam ngatin kun a, tua ciangin Judah gam leh Jerusalem-a teeng mite khempeuh in zong Topa’ mai-ah pukin Topa bia uh hi.

Mangmuhna 7:11

Tua lai takin tokhom-a kipan upate leh ganhing lite kimkotah ding-in a om vantungmi khempeuh in tokhom mai-ah bokin Pasian bia-in:

Late 134:2

Siangtho mun lamah na khutte uh laamto un la, Topa phat un!

Nehemiah 5:13

Tua ciangin kei zong ka puan singin, “Hih thuciamna a tungsak lo peuhmah a inn leh a neihsa panin Pasian in singkhia ta hen. Hih bangin kisingkhia hen la, hawmsuak hen!” ka ci hi. Tua ciangin a kikhawmte khempeuh in, “Amen,” ci uh a, Topa phat uh hi. Tua hi a, a ciamsa bangun mite gamta uh hi.

Piancilna 24:26

Mipa in a lu kunin Topa bia a,

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

Siampi Laibu 9:24

Topa mai panin mei hong piang khia-a meihal biakna leh biakna tau tunga om sathau kang hi; mi khempeuh in a muh uh ciangin, amaute awng uh a, lei maingatin puksuk uh hi.

Paikhiatna 12:27

note in, ‘Topa’ paisanna biak piakna ahi hi, bang hang hiam cih leh amah in eite’ innkuante hong khawi-in Izipt mite a thah lai-in Izipt gam sungah Israel innkuante paisan hi,’ na ci ding uh hi,” a ci hi. Mite in a lu uh kunin bia uh hi.

1 PETER MASA 1:3

Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

1 KORIN MASA 14:16

Ahih kei leh, kha tawh hehpihna na phat ciangin a siam lo mi in na kam thei lo ahih ciangin hehpihna phatna-ah zui-in, “Amen” bang ci-a ci thei ding hiam?

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Jeremiah 28:6

“Amen! Topa in tua bangin sem ta hen. Topa in na thu bangin sem ta hen. Topa in na thu genkholhna bangin hong tangtung sak hen la, Babilon khua panin Topa’ biakinnpi sunga beelte leh sal-a kimante khempeuh hih munah hong la kik tapeuh hen.

Late 141:2

Ka thungetna pen nangma mai-ah paknamtui, ka khutte ka laptohna pen nitak biak piakna bangsak in!

Late 63:4

Tua ahih ciangin ka nuntak lai teng nangmah kong phat ding a, ka khutte nang lamah lamto-in thu kong ngen ding hi.

Late 41:13

Israel Pasian, Topa in khang tawntungin thupha ngah ta hen! Amen, Amen.

Late 28:2

Siangthopen mun lamah ka khutte laamto a, nang kiangah huhna kong nget mah bangin, kong thumna aw hong za in.

2 KHANG TANGTHU NIHNATE 29:30

Tua ciangin David’ kammalte leh thu-mupa Asaf’ kammalte zangin Topa’ tungah phatna la a sak nadingun kumpipa Hezekiah leh uliante in Levi mite thu pia uh hi. Tua ciangin amaute in lungdamna tawh phatna late sa uh a, kunin bia uh hi.

2 KHANG TANGTHU NIHNATE 6:4

Tua ciangin amah in, “‘Izipt gam panin ka mite ka paikhiatpih ni-a kipanin keima min a om nadingin Isreal minam khempeuh sungah inn khat lam nading khuapi khat zong ka teel kei a, keima mi Israel tungah kumpi dingin mi khat zong ka teel kei hi; ahih hangin tu-in ka min a om theih nadingin Jerusalem teelin ka mi Israel tungah a uk dingin David ka teel khin ta hi,’ ci-in gen in, ka pa David tungah a kam tawh a thuciamna a khut tawh a tungsak Israel Pasian, Topa in thupha ngah ta hen.

Piancilna 14:22

Ahih hangin Abram in Sodom kumpipa' kiangah, “Vantung leh leitung a bawl, Sang Pen Topa Pasian' tungah ka kiciam khin zo hi,

1 KHANG TANGTHU MASATE 16:36

Israel Pasian, Topa in thupha ngah ta hen, a tawntung pan a tawntung dongin!” zong ci lai un, a ci hi. Tua ciangin mi khempeuh in, “Amen!” ci-in Topa phat uh hi.

Nehemiah 8:7

Mite amau’ omna san ciatah a om sungun mite in thukham a teltheih nadingun Levi mi Jeshua, Bani, Sherebiah, Jamin, Akkub, Shabbethai, Hodiah, Ma-aseiah, Kelita, Azariah, Jozabad, Hanan, Pelaiah-te in a khiatna hilh uh hi.

1 KHANG TANGTHU MASATE 29:10

Tua ahih ciangin a kikhawmte khempeuh’ omna ah David in Topa phat hi; tua ciangin David in: “Nang, Topa, ka pu uh Israel Pasian aw, a tawntungin thupha ngah ta in.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsim ah om hi.

Late 95:3

Bang hang hiam cih leh Topa in a lian Pasian khat hi a, pasian khempeuh tungah Kumpi lian khat ahi hi.