Nehemiah 8:2 - Tedim Bible

² Tua hi a, a kha sagihna a ni khat ni-in numei pasal, leh thu telthei ding a kikhawm khempeuh’ mai-ah siampi Ezra in thukham laibu hong paipih hi.

Tedim Bible Revision 2017

² Tua hi a, a kha sagihna a ni khat ni-in numei pasal le thu thei tel thei ding a kikhawm khempeuh mai ah siampi Ezra in thukham laibu hong paipih hi.

Nehemiah 8:2 Referans Kwoze

Siampi Laibu 23:24

“Israel mite tungah hih bangin gen in: A kha sagihna, tua kha a ni masa ni-in note in thupi tawlngakna ni khat, peengkul tumna tawh a kibawl phawkna, a siangtho kikhopna khat na nei ding uh hi.

Malakhi 2:7

Siampite’ nasep in Pasian a man-a theih nading a hilh ding uh ahi hi. Amaute pen Vanglianpen Topa’ kamtaite ahih manin, mite in keima deihna a theih nadingun amaute tungah thu a dot ding uh ahi hi.

Gamlak-vakna 29:1

“A kha sagihna a ni masa ni-in kikhopna siangtho khat na nei ding uh hi; leitung nasep na sem kei ding uh hi. Tua pen note in peengkul na tum ni ding uh hi a,

Sawltak 15:21

Bang hang hiam na cih uh leh, tanglai panin kikhopna innah Moses’ Thukham Lai Siangtho Nipi ni simin kisimin, khua khempeuh ah thuhilhte a om uh hi,” ci-in a gen hi.

Isaiah 28:9

Amaute in kei hong phunsan uh a, “Amah in kua tungah hilh a, kua tungah thugen-a kinei ahi hiam? Ang sung panin a kilakhia nawi tawh a kikhentung naungeekte hilh-a kinei ahi hiam?

Thu-hilhkikna 17:18

“Ama kumpigam kumpi tokhom tungah a tut ciangin Levi siampite’ kep hih thukhamte panin ama adingin laibu khat sungah gelh ding hi;

Nehemiah 8:9

Tua ciangin gam ukpa Nehemiah, leh lai theipa lah hi-in siampi lah ahi Ezra, leh mite a hilh Levi mite in amaute khempeuh kiangah, “Tu ni in Topa note’ Pasian adingin biakna ni siangtho ahi hi; a kap a mau om kei un,” a ci uh hi. Bang hang hiam cih leh thukham kammalte a zak uh ciangin mi khempeuh kap uh hi.

Nehemiah 9:1

Tua kha mah a ni sawmnih-le-li ni-in an tang dingin Israel mite kikhawm uh a, puanhampi silhin a lu tung uhah lei kibuak uh hi.

Joshua 8:35

Moses in a thupiak kammalte khempeuh Israel mi honpite, leh numeite, leh naupangte, leh amau lakah a teeng peemtate mai-ah Joshua in a sim loh khat zong om lo hi.

Nehemiah 8:18

Tua hi a, akipat ni-a kipan abei ni dong Ezra in ni simin Pasian’ thukham laibu simkhia hi. Amaute in ni sagih sung tua pawikham uh a, a ngeina om bangin a ni giat ni-in pawi khupna a thupi kikhopna khat om hi.

Nehemiah 10:29

a sanggam uh ahi, amau’ makaite pawmin, Pasian’ nasem Moses in a piak Pasian’ thukham zui-in, eite’ Topa ahi Topa’ thupiakna khempeuh, ama ngeinate leh ama thukhamte a zuih nading uh kiciamna bawl uh hi.

Nehemiah 13:1

Tua ciangin amaute in mipi’ zakin Moses’ laibute sim uh a, Pasian’ mite’ kikhopna ah Ammon mi leh Moab mite a kihel ngei loh nading thu kiphawk khia hi;