Nehemiah 8:17 - Tedim Bible

¹⁷ Tua hi a, salsuahna panin a hong ciahkik a kikhawm mite khempeuh in sawlbuk lamin tuate sungah om uh hi; bang hang hiam cih leh Nun’ tapa Joshua’ hun-a kipanin tua ni dongin Israel mite in tua bangin pawikham ngei lo uh hi. Tua hi a, amaute lungdam mahmah uh hi.

Tedim Bible Revision 2017

¹⁷ Tua hi a, salsuahna panin a hong ciahkik a kikhawm mite khempeuh in sawlbuk lamin tuate sungah om uh hi; bang hang hiam cih leh Nunʼ tapa Joshuaʼ hun a kipanin tua ni dongin Israel mite in tua bangin hih ngei lo uh hi. Tua hi a, amaute lungdam mahmah uh hi.

Nehemiah 8:17 Referans Kwoze

Ezra 3:4

Tua ciangin amaute in a kikipsaksa bangin buk pawi bawl uh a, ni simin zat dingin a kisehsa zah bangin meihal biakna ni simin pia uh hi;

Hebru 11:13

Tua a kigensa mi khempeuhte in thuciamna tawh kipawl noptuamna ngah kha loin, gamlapi pan galet-in hopihin, amaute leitungah gamdang mi zinte ahih man-unah upna sungah a si uh hi.

Hebru 11:9

Ama theih lohna gamah zinte bangin om a, thuciamna tawh a kipawl gamah upna tawh zin mi-in a om hi. Tua a thuciamna a luahpih Isaak leh Jakob tawh bukte sungah teengkhawm uh hi.

Hebru 4:8

Bang hang hiam i cih leh, Joshua in tua mite nopsakna pia hi leh, tua nung ciangin a nidang ni thu Pasian in a gen kei ding hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

2 KHANG TANGTHU NIHNATE 35:18

Kamsang Samuel’ huna kipan tua bang Paisan Pawi Israel tungah kibawl ngei lo hi; Josiah, leh siampite leh Levi mite, leh tua lai-ah a om Judah leh Israel khempeuh, leh Jerusalem a, teeng mite in a bawl Paisan Pawi tawh a kibang, Israel kumpite kuamah in bawl lo hi.

2 KHANG TANGTHU NIHNATE 30:26

Israel kumpi David’ tapa Solomon’ huna kipanin Jerusalem ah hih bang om ngeilo ahih manin Jerusalem ah lungdamna lianpi om hi.

1 KHANG TANGTHU MASATE 29:22

tua ciangin amaute in tua ni-in lungdamna lianpi tawh Topa mai-ah pawi khamin om uh hi.Tua ciangin amaute in David’ tapa Solomon kumpi-in a nihveina bawl uh a, amaute in Topa adingin amah kumpi-in sathau nilhin, siampi dingin Zadok sathau nilh uh hi.

Joshua 1:1

Topa’ nasem Moses a sih khit ciangin Topa in Moses’ nasem ahi Nun’ tapa Joshua kiangah,

Thu-hilhkikna 16:15

Topa in a teelna munah ni sagih sung Topa na Pasian uh tungah pawi na bawl ding uh hi; bang hang hiam cih leh note na lungdam khawm theih nadingun na khawhsa leh na khut tawh na sepna khempeuh uhah Topa na Pasian un note thupha hong pia ding hi.