Nehemiah 7:73 - Tedim Bible

⁷³ Tua ciangin siampite, Levi mite, leh mi pawl khatte Jerusalem khua leh a kiim-ah teeng uh a, kongcingte, lasate, biakinn nasemte, leh Israel mi dangte amau’ khuapi ciatah teeng uh hi. Kha sagihna hong cin’ ciangin Israel mite amau’ khuapi ciatah teeng khin uh hi.

Tedim Bible Revision 2017

⁷³ Tua ciangin siampite, Levi mite le mi pawl khatte Jerusalem khua le a kiimah teeng uh hi; kongcingte, lasate, biakinn nasemte le Israel midangte amauʼ khuapi ciatah a teeng uh hi.

Nehemiah 7:73 Referans Kwoze

Ezra 2:70

Siampite, Levi mite, leh mi pawlkhatte Jerusalem leh a kim nai-ah teeng uh hi; lasate, kongcingte, biakinn nasemte, leh Israel khempeuh amau’ khuapi ciatah teeng uh hi.

2 KUMPI NIHNATE 7:10

Tua ahih ciangin amaute hong pai-in kulh kongpi cingte samin amaute kiangah, “Kote in Siriate’ phualah ka va tung uh a, en in, tua lai-ah kuamah kimu lo, bangmah kiza lo, bangmah om lo, ahih hangin sakolte kikhihin, late kikhihin, puanbukte a om bang bangin om hi,” ci-in gen uh hi.

1 KHANG TANGTHU MASATE 9:2

Tu-in amau’ neihsa amau’ khuapite’ sungah a teeng kik masate in Israel nautangte, siampite, Levi mite, leh biakinn nasemte ahi uh hi.

Ezra 3:1

A kha sagihna hong cin’ ciangin Israel mite amau’ khuapi ciatah teeng khin uh ahih manin, khe khat khai bangin Jerusalem ah amaute hong kituah diam uh hi.

Nehemiah 7:72

Tua ciangin mi dangte’ piakte in kham darik tul sawmnih, ngun mina tul nih, leh siampipuan sawmguk-le-sagih ahi hi.

Nehemiah 11:3

Hih anuai-ate in Jerusalem-a a teeng a uksawn ukpite ahi hi; ahi zongin Judah khuapi dangte ah Israel midangte, siampite, Levi mite, biakinn nasemte, leh Solomon’ nasemte’ suan leh khakte teeng uh a, amau’ neihsa, a khuapi ciat uhah teeng uh hi.