Nehemiah 7:70 - Tedim Bible

⁷⁰ Beh lutang mi pawl khat in nasep nadingin nate pia uh hi. Gam ukpa in vanmanpha koihna ah kham darik tul khat, kuang-uk sawmnga, leh siampipuan za nga leh sawmthum pia hi.

Tedim Bible Revision 2017

⁷⁰ Beh lutang mi pawl khat in nasep nadingin nate pia uh hi. Gam ukpa in van manpha koihna ah kham darik tul khat, kuang-uk sawm nga le siampi puan za nga sawm thum a pia hi.

Nehemiah 7:70 Referans Kwoze

Nehemiah 8:9

Tua ciangin gam ukpa Nehemiah, leh lai theipa lah hi-in siampi lah ahi Ezra, leh mite a hilh Levi mite in amaute khempeuh kiangah, “Tu ni in Topa note’ Pasian adingin biakna ni siangtho ahi hi; a kap a mau om kei un,” a ci uh hi. Bang hang hiam cih leh thukham kammalte a zak uh ciangin mi khempeuh kap uh hi.

Jeremiah 52:19

Biak piakna-a kizang keu neute, meiam luahna kuang daite, kuangte, belte, khuaimeivak vakna khuamte, sikkeute leh tui buah nadinga kizang keute zong a la uh hi, Kham tawh a kibawl nate kham dingin ahi zongin, ngun tawh a kibawl nate ngun dingin ahi zongin kumpi cing galkap mangpa in a lakhia hi.

Nehemiah 10:1

Tua lai tungah a min a gelh mite in Hakaliah’ tapa, gam ukpa Nehemiah, Zedekiah,

Nehemiah 7:65

tua hi a, Urim leh Thummim aisanna tawh aisan ding siampi khat a om matengin amaute in biakna an siangthopente a nek loh nading uh gam ukpa in gen hi.

2 KHANG TANGTHU NIHNATE 4:11

Huram in beelte, kawbiate, leh kuangte zong bawl hi. Tua ahih ciangin Huram in Kumpi Solomon’ adingin Pasian’ inn a bawl nasep a zawhte in:

2 KHANG TANGTHU NIHNATE 4:8

Amah in sabuai sawm zong bawl a, biakinn sung leitaw lam pangah nga, leilu lamah nga koih hi. Tua ciangin amah in kham kuang zakhat bawl hi.

1 KHANG TANGTHU MASATE 28:17

leh sikkeukate, kuangte, leh haite ading kham citak a gihna; kham haipite leh a gihna ciat; ngun haipite leh a gihna ciat;

1 KUMPI MASATE 7:45

Tu-in beelte, kawbiate, leh kuangte, Hiram in Kumpi Solomon’ adingin a bawl, Topa’ inn sungah a om nazatte khempeuh in a tee sumngo tawh kibawl ahi hi.

Paikhiatna 24:6

Moses in sisan kimkhat la-in, kuangte sungah koih a, sisan kimkhat biakna tau tungah theh hi.

Paikhiatna 12:22

Puknah lom khat la un la, kuang sunga a om sisan sungah diahin, kuang sunga a om sisan tawh bangtungzawl leh kongkhak khuam nihte nuh un; zingsang matengin a inn kongkhak pua-ah kuamah paikhia lo ding hi.

Nehemiah 7:69

a kalaoh uh za li leh sawmthum-le-nga, leh a late uh tul guk za sagih leh sawmnih pha hi.

Nehemiah 7:71

Tua ciangin beh lutang pawl khatte in vanmanpha koihna ah kham darik tul sawmnih leh ngun mina tul nih za nih pia uh hi.