Nehemiah 7:2 - Tedim Bible

² ka sanggampa Hanani leh galdalna inn a uk Hananiah in a et dingin Jerusalem ka pia hi; bang hang hiam cih leh Hananiah in midang tampi sangin a citakzaw, Pasian a zahtakzaw mi khat ahi hi.

Tedim Bible Revision 2017

² ka sanggampa Hanani le biakinn a uk Hananiah in a et dingin Jerusalem ka pia hi; bang hang hiam cih leh Hananiah pen midang tampi sangin a citak zaw, Pasian a zahtak zaw khat ahi hi.

Nehemiah 7:2 Referans Kwoze

Nehemiah 1:2

ka sanggampa Hanani leh midang pawlkhat Judah gam panin hong tung uh hi; tua ciangin keimah in Jerusalem khua thu leh sal-a matna panin a suakta ahi a om suak Judah mite’ thu tawh kisai amaute kiangah ka dong hi.

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

Late 101:6

Leitungah a thuman mite kei tawh a omkhop theih nadingun maipha ka pia ding a, paubaan’na om lo a, a gamta mi in keima na hong sem ding hi.

Nehemiah 10:23

Hoshea, Hananiah, Hasshub,

Nehemiah 2:8

leh biakinn hut nading mun muanhuai kongpi ding, leh khuapi kulh ding, leh ka om nading inn lam nadingin sing hong piak theih nadingin kumpipa’ tulak a kem Asaf tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

1 KUMPI MASATE 18:3

Tua ciangin Ahab in kumpi inn sung a ukpa Obadiah sam hi. (Obadiah in nakpi takin Topa zahtak hi;

2 TIMOTI NIHNA 2:2

Teci tampi mai-ah keima kiang pan na zaksa nate, dikna tawh dimin midangte a hilhsawn thei ding mite’ tungah na ap in.

1 KORIN MASA 4:2

Tua tham loin, sumpi keempa in lungsim dik a nei ding hi.

Daniel 6:4

Tua ciangin vaihawmpi dangte leh gam ukpi teng in Daniel’ nasepna en cikin a mawhna zon’ ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a mu zo kei uh hi.

JOB (Job) 1:1

Uz gamah Job kici min nei mi khat om hi; tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah pel hi.

Nehemiah 13:13

Tua ciangin tua vankoihna innte a kem dingin siampi Shelemiah, lai thei Zado, leh Levi mi Pedaiah, leh amaute a huh dingin Mattaniah’ tapa Zakkur, a tapa Hanan ka seh hi; bang hang hiam cih leh amaute in mi muanhuai ahi uh hi. Amau’ nasep in a sanggamte uh tungah amau’ tanh ciat uh a hawmkhia ding ahi uh hi.

Nehemiah 5:15

Keima hun ma-in a ukte in mite tungah vangikpi suan uh a, amaute tung panin ni simin an leh lenggahzu ngun shekel sawmli man la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

1 KUMPI MASATE 18:12

Nang kiang panin kei ka paikhiat phetin ka theih lohna munah Topa’ Kha in nang hong pua ding hi; tua ciangin, kei pai-in Ahab kiangah genin amah in nang hong muh loh ciangin, ka khangno lai-a kipanin keimah na nasempa in Topa zahtak hi napi-in, amah in kei hong that ding hi.

2 SAMUEL NIHNA 23:3

Israel Pasian kampau khin a, Israel Suangpi in kei kiangah hong ci khin hi: Mi khat in mite tungah thutang takin ukin Pasian zahtakna tawh a uk ciangin,

Gamlak-vakna 12:7

Ka nasem Moses tawh tua bang hi lo hi; ka inn sung thu khempeuh amah ki-ap hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi leh sumgolh a mudah mi, misiamte na teelkhia ding hi; tua bang mite pen mi a tul, a za, a sawmnga, a sawmte' tungah a uk dingin na koih ding hi.

Piancilna 42:18

A ni thum ni-in Josef in amaute' kiangah, “Keimah in Pasian zaktak ka hih manin hih bangin gamta un, tua hi leh na nungta ding uh hi:

Mattiu 24:45

“A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

Nehemiah 7:3

Tua hi a, amaute tungah, “Sun mateng Jerusalem kongpite hong sak kei un; tua ciangin ni om lai mahin kongte khak sakin kalh sak un. Jerusalem khua sunga teengte lak panin khuacing dingte seh un la, pawlkhatte galvilna munah, pawlkhatte amau’ inn mai ciatah omsak un,” ka ci hi.