Nehemiah 6:9 - Tedim Bible

⁹ Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw hi.

Tedim Bible Revision 2017

⁹ Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw uh hi.

Nehemiah 6:9 Referans Kwoze

Late 138:3

Nang kong sap ciangin kei nong dawng a, na thahatna tawh kei nong thakhauhsak hi.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

Hebru 12:12

Tua ahih ciangin thanem-a a om khutte leh tha a nei lo khukte na khauhsak un.

Filippi 4:13

Hong thahatsakpa Khazih hangin na khempeuh ka hih thei hi.

Efesa 3:16

Ka thungetna in: Topa in ama Kha Siangtho hangin note sung mi un hatna tawh kip tawntungin,

2 KORIN NIHNA 12:9

Ka thuum khit ciangin, “Ka hehpihna thupha in nang ading a kicing hi, ka vangliatna in thanemna ah a kicing hi,” ci-in thu hong pia hi. Tua ahih ciangin Khazih’ vangliatna in kei tungah hong tun’ nadingin ka thanemna hangin ka kisaktheih zawk nading ka utzaw hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

1 SAMUEL MASA 30:6

David nakpi takin lungkham hi; bang hang hiam cih leh mi khempeuh a tanute a tapate uh hangin a lungsim uh na lua ahih manin suang tawh amah den’ ding gen uh hi. Ahih hangin David in amahmah Topa a Pasian sungah kithakhauhsak hi.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

2 KHANG TANGTHU NIHNATE 15:7

Ahih hangin nang, hang in! Na sepna thaman hong kipia ding ahih manin na khut zawsak kei in,” a ci hi.

Late 71:1

Topa aw, nangmah kong bel hi; keimah hong zahhuaisak ngei kei in!

Late 56:3

Kei ka lau ciangin nangmah ka hong muang hi.

Nehemiah 6:14

Ka Pasian aw, amau’ sepnate’ hangin Tobiah leh Sanballat thei in la, keimah lausak dingin a hanciam kamsangnu Noadiah leh kamsang dang khempeuh zong thei in.

Late 68:35

Israelte’ Pasian in ama biakinn sungah zahtak-huai a, ama mite tungah vangliatna leh thahatna pia hi. Pasian in thupha ngah ta hen!

2 KHANG TANGTHU NIHNATE 32:18

Amaute in khuapi a lak theih nadingin khuapi mite lau-in a linglawn’sak nadingun kulh tungah a om Jerusalem mite tungah Judah pau tawh nakpi takin kiko uh hi.

Zekhariah 10:12

Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Ezra 1:6

tua ciangin a veng a pamte un thatang tawh a huh uh banah ngun tawh kibawl um-le-beel, kham, van tuamtuamte, ganhingte leh letsong manphate tawh huh thuah uh hi.

Ezekiel 30:24

Tua ciangin Babilon kumpipa’ khut ka khauhsak ding a, ama khut sungah ka namsau ka pia ding hi. Ahi zongin Izipt kumpipa Faro’ khut ka kuaihtansak ding a, a langte’ mai-ah tai-in si ding hi.

Isaiah 40:29

Amah in a gim mi tungah thahatna pia a, thahatna a nei lo mi a thahatna khangsak hi.