Nehemiah 6:3 - Tedim Bible

³ Tua ahih ciangin kei zong amaute kiangah kamtaite ka sawl a, “Tu lai takin nasep thupi ka nei hi, kong pai thei kei ding hi. Kei hong pai leng, kong pai sung ka om loh kal teng nasep kitawlnga ding hi,” ka ci hi.

Tedim Bible Revision 2017

³ Tua ahih ciangin kei zong amaute kiangah kamtaite ka sawl a, “Tu laitakin nasep thupi ka nei hi; kong pai thei kei ding hi. Kei hong pai leng, kong pai sung ka om loh kal teng nasep kitawlnga ding hi,” ka ci hi.

Nehemiah 6:3 Referans Kwoze

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Luka 14:30

“Hih pa in inn lam ding a kipat khit ciangin a zom zo kei hi,’ ci-in amah a ko ding uh hi.

Paunak 14:15

Mihaite in a thu zak peuh um pahpah a, mipilte in a gamtat nading ngaihsun cian hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Nehemiah 6:2

Sanballat leh Geshem in Ono zanglei sunga om Hakkefirim khua-ah pai-in amaute tawh thu kikum dingin hong sam uh hi; hih pen kei hong suksiat nopna uh ahi hi.

Nehemiah 6:4

Amaute in tu-a mah bangin li vei tak hong sam uh a, kei zong a li vei mahin tu-a bangin ka dawng kik hi.

Nehemiah 4:13

Tua ahih ciangin kulh nung lam mun niampenna mun awng tengah a namsau uh, a teipi uh, leh a thal uh tawh, a innkuankuan-un ka mite ka pangsak hi.