Nehemiah 6:16 - Tedim Bible

¹⁶ Ka galte un hih thu za-in, ka kiim uh-a om mi namdangte in a theih uh ciangin lamdang sa uh a, kote’ Pasian’ huhna tawh hih nasep kizo ahihna phawk uh hi.

Tedim Bible Revision 2017

¹⁶ Ka galte un hih thu za-in, ka kiim uh a om minam dangte in a theih uh ciangin lamdang sa a, koteʼ Pasianʼ huhna tawh hih nasep kizo ahihna a phawk uh hi.

Nehemiah 6:16 Referans Kwoze

Joshua 5:1

Nitumna lam Jordan gal khat-a om Amor mite’ kumpite khempeuh leh tuipi gei-a om Kanaan mite’ kumpite khempeuh in, Israel mite in a kantan khit mateng amaute adingin Jordan tuite Topa in a kan’sakna thu a zak uh ciangin lungmang uh a, Israel mite hangin a lungsim uh a bei hi.

Late 126:2

Lungdamin i nui a, lungdam lua-in la i sa hi. Tua ciangin minam dangte kiho-in, “Topa in amau adingin na lianpite bawl khin ta hi,” kici uh hi.

Nehemiah 4:7

Ahi zongin Sanballat, Tobiah, Arab mite, Ammon mite, leh Ashod mite in Jerusalem kulh cian’ nasep kizom suakin, kulh vang teng huk ding a kipat khitna thu a zak uh ciangin heh mahmah uh hi.

Nehemiah 4:1

Sanballat in kote’ kulh cian’na thu a zak ciangin lungkim loin heh mahmah a, Judah mite hong zahko hi.

Nehemiah 2:10

Ahih zongin Israel mite’ phattuam nading a sem dingin mi khat hong paina thu Horonaim khuami Sanballat leh Ammon mi sal ahi Tobiah in a zak uh ciangin nakpi takin lungkim lo uh hi.

Sawltak 5:38

Tu-in note kong cih inah, tua mite kham loin, hi ci omsak mai un. Bang hang hiam na cih uh leh, hih hanciamna thu in mite’ hanciamna thu ahih leh, a sia ding hi;

Gamlak-vakna 23:23

Bang hang hiam cih leh Jakob mite a kibum nading om lo a, Israel mite lang khatah aisaanna ding om lo hi; tu-in Jakob suan Israel mite thu tawh kisai-in, ‘Pasian in bang hih hiam!’ kici ding hi.

Paikhiatna 14:25

amau’ leeng peite tumsak ahih manin man bekbak-in hawl uh hi; Izipt mite in, “Israel’ mai panin tai ni; bang hang hiam cih leh Izipt mite' lang pangin Topa in amau’ adingin do hi,” ci uh hi.

Nehemiah 6:17

Hih hun sung teng khempeuh Judah uliante in Tobiah kiangah lai tampi khak uh a, Tobiah’ laikhakte zong amaute tungah tung hi.

Jeremiah 33:9

Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Joshua 2:9

tua mite kiangah, “Topa in note tungah hih leitang hong piak khitna ka thei a, note hong kikihtakna kote tungah hong tungin, hih gam sunga a teeng mi khempeuh note mai-ah lunggim uh hi.

Joshua 2:11

Tua thu ka zak phetun lungsim kitam zanin, ka lungsim uh bei a, note’ hangin mite’ lungsimah han’na bei hi; bang hang hiam cih leh Topa na Pasian un tunga om vantung leh nuai-a om leitungah Pasian ahi hi.

Late 109:27

Topa aw, hih pen nangma bawl, nangma khut in a sep ahihna amaute thei sak in!

Late 129:5

Zion a mudahte khempeuh maizumin kinungkiksak ta hen!

Late 147:2

Topa in Jerusalem khuapi lam a, amah in a kinilkhia Israelte kaikhawm hi.