Nehemiah 6:13 - Tedim Bible

¹³ Ama thugen bangin gamta-in mawhna ka bawl theih nadingin keimah hong lausak dingin a kicial ahi hi; tua bangin zui kha leng kei hong minsia sakin hong simmawh ding uh hi.

Tedim Bible Revision 2017

¹³ Ama thugen bangin gamta-in mawhna ka bawl theih nadingin keimah hong lausak nadingin a kicial ahi hi. Tua bangin zui kha leng kei hong minsiasakin hong simmawh ding uh hi.

Nehemiah 6:13 Referans Kwoze

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Jeim 4:17

Tua ahih ciangin gamtatna hoih thei napi-in a gamta lo mi tungah mawhna a om hi.

2 TIMOTI NIHNA 1:7

Bang hang hiam cih leh, Pasian in eite launa lungsim hong pia ahi kei hi; vangliatna, itna leh ei-le-ei ki-uk zawhna Kha hong pia zo hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Paunak 29:5

A man lopi-a mi khat mawk phatna in, a awk nadingin thangsiahna ahi hi.

Nehemiah 6:6

A laikhak sungah, “Mi namdangte lakah a kigen, Geshem in zong tua a kigen thu man hi, ci-a a gen thu in, nang leh Judah mite in kumpi lehdo ding na sawm uh a, tua thu hangin kulh na ciang uh hi; tua banah nangmahmah zong kumpi na utna kigen lai hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Titu 2:8

Tua bang na hih leh, lang khatah a om mi in eite hong gensiat nading thu ngah loin a maizum ding hi.

1 TIMOTI MASA 5:14

Tua ahih ciangin a khangno meigongnute in pasal a neih nading, ta zong a neih nading, a inn sung a uk nading, i galte in hong gensiat theih loh nading ahih nadingun ka deih hi.

2 KORIN NIHNA 11:12

Thu nei nuamte in a neih theih loh nading ahi zongin, amau kisaktheihna-ah kote banga tel taka, kilat theih nading ahi zongin ka hih bangin ka hih lai ding hi.

Sawltak 6:13

Mizuau tecite a sam uh a, tuate in, “Hih mi in hih mun siangtho leh Thukham khempeuh tungah a simmawh tawntung hi.

Mattiu 26:59

Siampi liante leh upate in Zeisu thah nadingin thuzuau teci a zong uh hi.

Mattiu 22:15

Tua laitakin Farisaite paikhia uh a, “Bangci leeng Zeisu kam tawh i siah zo ding hiam” ci-in a kikup khit uh ciangin,

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Ezekiel 2:6

Ahi zongin Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding a, mom-ai laka om na bang ding hi. Tua bang hita se leh, hih a lehdo thei mite’ maipuakzia leh amaute’ kampaunate hangin lau tuan kei in.

Jeremiah 1:17

Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Thuhilh-sia 7:1

A manpha paknamtui sangin minpha hoihzaw a, i suah ni sangin i sih ni hoihzaw hi.

Paunak 22:1

Hauhna sangin min hoihna deihhuai zaw a, kham leh ngun sangin mi’ hong thusimna deihhuai zaw hi.

Nehemiah 6:12

Tua ciangin a thusim ka phawk khia hi. Pasian in tua bang thu gen dingin amah a sawl hi lo a, Tobiah leh Sanballat in tua bangin thugen dingin golhguk a na pia na hi a, ama thugenna in keimah suksiat nopna ahi hi.