Nehemiah 6:12 - Tedim Bible

¹² Tua ciangin a thusim ka phawk khia hi. Pasian in tua bang thu gen dingin amah a sawl hi lo a, Tobiah leh Sanballat in tua bangin thugen dingin golhguk a na pia na hi a, ama thugenna in keimah suksiat nopna ahi hi.

Tedim Bible Revision 2017

¹² Tua ciangin a thusim ka phawk khia hi. Pasian in tua bang thu a gen dingin amah a sawl hi lo a, Tobiah le Sanballat in tua bangin thugen dingin golhguk a na pia na hi a, ama thugenna pen keimah suksiat nopna ahi hi.

Nehemiah 6:12 Referans Kwoze

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Mangmuhna 18:13

kinnamon, masala, paknamtui, mirrah, paknamtui khal, leenggahzu, sathau, buhneel, mangbuh, bawng, tuu, sakol, leeng, sila, mi nuntakna kha pumpite cikmah hunin kuamah in a lei nawn kei ding hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

Titu 1:7

Bang hang hiam na cih leh, Pawlpi siapa in Pasian’ neihsa kempa bangin mawhsak nading tawh a kipelh mi ahi ding hi. Ama deihna a zui mi, mi lungtom mi, zu ne a, a kitawng thei mi, midang a vua thei mi, a siangtho lo a deihgawh mi ahi kei ding hi.

1 TIMOTI MASA 3:3

Tua pa in zu ne loin, midang a sat a vua mi hi loin, a lungduai mi, thusia lamah a kiseel hat lo mi, sum a duh lo mi ahi ding hi.

1 KORIN MASA 12:10

Mi khat kiangah nalamdang bawlna thu, mi khat kiangah kamsan’na thu, mi khat kiangah lungsim kha khentel theihna thu, mi khat kiangah paunam tampi gen theihna thu, mi khat kiangah tua paute a khiatna gen theihna thute a pia hi.

1 KORIN MASA 2:15

Kha Siangtho a nei mi in na khempeuh khen thei a, amah ahih leh kuamah in a khen thei kei hi.

Sawltak 20:33

Kuama kham ahi zongin, ngun ahi zongin, puan ahi zongin ka deihgawh kei hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Ezekiel 13:19

Mangbuhham khut khat dim leh anlum them tawm khat na ngah theih nadingun ka mite mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in note’ thugen hong um uh hi.

Ezekiel 13:7

Tua ahih manin amaute kiangah ka gen thu in: ‘Na maangmuhnate uh zuaupi hi a, na thugen kholhte uh thu zuau ahi hi. Note kiangah keimah in thu hong gen lo napi-in keima gen bangin na gen uh hi,’ ka ci hi,’ hong ci hi.

Jeremiah 28:15

Tua ciangin kamsangpa Jeremiah in zong Hananiah kamsangpa kiangah, “Na ngai in, Hananiah aw! Topa in nang hong sawl lohpi, hih mite zuauthu na umsak hi.

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Isaiah 56:11

Uite in nakpi takin duhna lian nei uh a, amaute in kham hun cih nei ngei lo uh hi. Tuucingte in zong thu theihna nei lo uh hi; amaute khempeuh amau tum ciatin gamta uh a, a vekpi-un amaute’ ngah nading lam lam ciatah kihei uh hi.

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

Nehemiah 6:11

Ahih hangin keimah in, “Kei bang mite tai ding ahi hiam? Kei tawh kibang mite a suahtak nadingin biakinn sungah lut ding ahi hiam? Ka pai peuhmah kei ding hi,” ka ci hi.

Nehemiah 6:13

Ama thugen bangin gamta-in mawhna ka bawl theih nadingin keimah hong lausak dingin a kicial ahi hi; tua bangin zui kha leng kei hong minsia sakin hong simmawh ding uh hi.