Nehemiah 6:11 - Tedim Bible

¹¹ Ahih hangin keimah in, “Kei bang mite tai ding ahi hiam? Kei tawh kibang mite a suahtak nadingin biakinn sungah lut ding ahi hiam? Ka pai peuhmah kei ding hi,” ka ci hi.

Tedim Bible Revision 2017

¹¹ Ahih hangin keimah in, “Kei bang mite tai ding ahi hiam? Kei bang mite a suahtak nadingin biakinn sungah bu ding ahi hiam? Ka pai peuhmah kei ding hi,” ka ci hi.

Nehemiah 6:11 Referans Kwoze

Sawltak 21:13

Paul in zong, “Bang dingin kapin ka lungsim kizan nading na hih uh hiam? Topa Zeisu’ min hangin Jerusalem khua-ah kihen tham loin, sihna nangawn thuak dingin ka omkhol hi,” a ci hi.

Paunak 28:1

Kuama delh lopi-in migilote taimang a, mi thumante ahih leh humpinelkai bangin hang uh hi.

Filippi 2:17

Tua tham loin, na piak uh biakna, note upna biakna tungah ka pumpi ka piakhia zongin, ka nuam hi; note khempeuh tawh ka lungdam khawm hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Late 112:8

Amah lau lo, lunghimawh loin om hithiat a, amah a langpangte a guallelh ding lamtak theitel hi.

Late 112:6

Amah kiliing lo taktak ding a, amah kiphawk tawntung ding hi.

Hebru 11:27

Kumpipa’ hehna lau loin upna tawh Izipt gam a taisan hi. Bang hang hiam na cih uh leh, mittang tawh kimu thei lo Pasian a mu zo bangin a lung kip hi.

Filippi 2:30

Bang hang hiam na cih uh leh, note in kei nong vaak, nong khoina uh a kicing lote amah in kicingsak dingin Khazih adingin ama nuntakna a sih dektak zah dongin a hanciam zo hi.

Thuhilh-sia 10:1

A sisa thote in paknamtui bung sunga om paknamtui uih sak thei a, haitatna themno khat in pilna lianpen susia thei hi.

Nehemiah 6:9

Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw hi.

Nehemiah 6:3

Tua ahih ciangin kei zong amaute kiangah kamtaite ka sawl a, “Tu lai takin nasep thupi ka nei hi, kong pai thei kei ding hi. Kei hong pai leng, kong pai sung ka om loh kal teng nasep kitawlnga ding hi,” ka ci hi.

1 SAMUEL MASA 19:5

amah in a nuntakna pia ngamin Filistiapa that a, Topa in Israelte khempeuh adingin gualzawhna lianpi piangsak hi. Nangmah in hih thu na mu a, na lung a dam hi; tua ahih ciangin bang hangin thu om lopi-in David thahna tawh a mawh baang lo mipa tungah khial ding na hi hiam?” a ci hi.

Sawltak 8:1

Saul in Stefen sih nading a thukim hi. Tua lai takin Jerusalem khua-ah a om pawlpite nakpi-in bawlsia uh a, sawltakte sim loh thu-um midangte khempeuh in Judah gam leh Samaria gam mun khempeuh ah a kithehthang uh hi.

Isaiah 10:18

Gah tampi a piangsak ama leitang leh ama gamlak a minthan’na pen nuntakna leh pumpi dong takin Topa in susia khawm ding a, mi cina khat a bei tawh kibang ding hi.

Nehemiah 6:12

Tua ciangin a thusim ka phawk khia hi. Pasian in tua bang thu gen dingin amah a sawl hi lo a, Tobiah leh Sanballat in tua bangin thugen dingin golhguk a na pia na hi a, ama thugenna in keimah suksiat nopna ahi hi.

Gamlak-vakna 3:10

Nangmah in Aaron leh a tapate na seh ding a, amaute in a siampi nasep uh don ding uh hi; ahih hangin midang khatpeuh a nai-ah a pai leh, tua mi kithat ding hi,” a ci hi.