Nehemiah 6:1 - Tedim Bible

¹ Kongpite ah kongkhak ka bulh nai loh hangin, kulh ka cian’ khitna leh a vang khat zong a om nawn lohna thu, Sanballat, Tobiah, Arab mi Geshem, leh ka gal dangte khempeuh un a zak uh ciangin,

Tedim Bible Revision 2017

¹ Kongpite ah kongkhak ka bulh nai loh uh hangin, kulh ka cian khitna uh le a vang khat zong a om nawn lohna thu, Sanballat, Tobiah, Arab mi Geshem le ka gal dangte khempeuh un a zak uh ciangin,

Nehemiah 6:1 Referans Kwoze

Nehemiah 2:19

Ahi zongin Horonaim khuami Sanballat leh Ammon mi sal ahi Tobiah leh Arab gam-a a sem Geshem in tua thu a zak uh ciangin, kote zahpihna leh simmawhna tawh, “Hih na sep uh bang ahi hiam? Kumpipa lehpan’ na hi uh hiam?” hong ci uh hi.

Nehemiah 2:10

Ahih zongin Israel mite’ phattuam nading a sem dingin mi khat hong paina thu Horonaim khuami Sanballat leh Ammon mi sal ahi Tobiah in a zak uh ciangin nakpi takin lungkim lo uh hi.

Nehemiah 4:1

Sanballat in kote’ kulh cian’na thu a zak ciangin lungkim loin heh mahmah a, Judah mite hong zahko hi.

Nehemiah 3:3

Tua ciangin Hassena-ah’ tapate in Ngasa Kongpi bawl uh hi; amaute in a zawlte khungin a kongkhakte a kalhna tawh bulh uh hi.

Nehemiah 3:1

Tua ciangin siampi lian Eliashib leh a siampi pihte in nasep kipanin Tuu Kongpi bawl uh hi. Amaute in a khuamte leh a zawlte bawlin a kongkhakte bulh uh hi; amaute in Mi Za Khat Tausang ciang banah Hananel Tausang dong sem uh a, tua ciangin Pasian tungah ap uh hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Nehemiah 3:6

Tua ciangin Paseah’ tapa Joiada leh Besodeiah’ tapa Meshullam in Jeshanah Kongpi puah uh hi; amaute in a zawlte khungin a kongkhakte a kalhnate tawh bulh uh hi.

Nehemiah 7:1

Kulh kiciang khinin, kongkhakte ka bulh khin a, kongcingte, lasate, leh Levi mite a kiseh khit ciangin,

Nehemiah 13:4

Ahi zongin tua hun ma-in, i Pasian’ inn sung vankoihna inndeite a uk dingin a kiseh, Tobiah tawh a kimeltheih siampi Eliashib in,