Nehemiah 5:8 - Tedim Bible

⁸ ”Mi namdangte tungah sal-a kizuaksa i Judah mipihte ahi zo zahzahin i tanh kik hi; tua hi napi-in note in na mipihte uh na zuak uh a, tu-in amaute i tat kik ding hi zel hi!” ka ci hi. Amaute pau loin om uh a, a gen ding mel uh thei lo uh hi.

Tedim Bible Revision 2017

⁸ “Minam dangte tungah sal a kizuak sa i Jew mipihte ahi zo zahzahin i tanhkik hi. Tua hi napi-in note in na mipihte uh na zuak uh a, tu-in amaute i tatkik ding hi zel hi,” ka ci hi. Amaute pau loin om uh a, a gen ding mel uh thei lo uh hi.

Nehemiah 5:8 Referans Kwoze

2 KORIN NIHNA 8:12

Bang hang hiam na cih uh leh, hih nopna lungsim a om leh, hih zawh lohna ngaihsun loin, hih zawh ding bek ngaihsutna in a deihhuai na ahi hi.

1 KORIN MASA 8:11

Amah tang ding Khazih a si, upna neu sanggampa in nangma pilna hangin kisia tazen hi!

ROM (Romans) 14:15

Na u na nau in nang an nekna hangin a dah leh, nang in itna tawh na gamta kei hi. Amah tang ding Khazih a si khin mi khat na an nekna tawh na siasak kei in.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

Mattiu 25:29

Bang hang hiam na cih uh leh, a neite khempeuh kipiak beh ding a, a hau ding hi. A nei lote kiang pan a neihsa nangawn kilakhia ding hi.

Mattiu 25:15

Tua mi in a lungpilna uh tawh kituakin khat talen nga, khat talen nih, khat talen khat a piak khit ciangin a paikhia hi.

Mattiu 22:12

‘Zawl aw, molakna puan silh loin, bang ding hong lut na hi hiam?’ ci-in a dot ciangin tua pa in a dawn’ nading a thei kei hi.

JOB (Job) 32:15

“Job aw, hih mite in nang hong lel uh a, nang hong dawn’ nading thei lo uh hi.

JOB (Job) 29:10

Mi thupi pente nangawn na gamdai pah uh a, kuamah pau loin na om uh hi.

Thu-hilhkikna 24:7

“Mi khat in Israel mi a sanggamte khat gu-in, amah in sila bangin bawl ahi a, a zuak ahi zongin a kimuh leh, tua gutapa si ding hi; tua bangin note lak panin siatna na siangsak ding uh hi.

Paikhiatna 21:16

“Mi khat gu a, amah in a zuak ahi a, amah in a neih lam ahi zongin a kimuhna mi peuhmah kithat ding hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Nehemiah 5:9

Tua ciangin keimah in, “Note’ gamtatna hoih lo hi. I gal ahi mi namdangte’ zahkohna i ngah loh nadingin i Pasian zahtakna tawh na gamtat ding uh kilawm hi.