Nehemiah 5:2 - Tedim Bible

² Mi pawlkhatte in an lei nadingin a tanute uh leh a tapate uh a piakna thu gen uh hi.

Tedim Bible Revision 2017

² Mi pawl khatte in an lei nadingin a tanute uh le a tapate uh a piakna thu hong gen uh hi.

Nehemiah 5:2 Referans Kwoze

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.

Piancilna 43:8

Judah in a pa Israel' kiangah, “Tangvalpa hong zuisak in la, nang leh ko leh i tate si loin i nuntak theih nadingin kote ding-in ka va pai ding uh hi.

Piancilna 42:2

Amah in, “En un, Izipt-ah an om hi ci-in ka za zo hi; eite si loin i nuntak nadingin paisuk un la, ei’ ading an va lei un,” ci hi.

Piancilna 41:57

Tua tham loin, leitung khempeuhah kialpi nasia ahih manin, antang lei dingin Josef' kiangah leitung mi khempeuh hong pai uh hi.

Thu-hilhkikna 23:19

“Na sanggampa tungah a meetin, sumgum hita leh, ankhing hita leh, a meet ngaihsutna-in na khatpeuh peuh leitawi na pia kei ding uh hi.

2 KUMPI NIHNATE 4:1

Tu-in kamsang honte sung pan khat’ zi Elisha tungah kiko-in “Na nasem ka pasal si hi; na nasempa in Topa a zahtakna na thei hi, ahih hangin ka tate nih sila dingin a la dingin a leibatna-pa hong pai hi,” a ci hi.

Nehemiah 5:3

Pawlkhatte in kial tun’ huhau-in an lei nadingin a lote, a leenggah lote, leh a innte uh a piakna hong gen uh hi.

Haggai 1:6

Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Piancilna 47:19

Bang hangin kote si-in ka leitang uh nangma' muhna-ah maimawk ding ahi hiam? Kote leh ka leitang uh an tawh hong lei in la, kote leh ka leitang uh Faro’ sila ka hi ding uh hi; leitang mawk val loin, kote si loin ka hin’ theih nadingun khaici hong pia in,” ci uh hi.