Nehemiah 5:12 - Tedim Bible

¹² Tua ciangin amaute in, “Hihte khempeuh ka pia kik ding uh a, amaute tung panin bangmah ka kal nawn kei ding uh hi; na gen bangin ka gamta ding uh hi,” hong ci uh hi. Tua ciangin siampite ka sam a, a ciamsa bangun a gamtat nadingun kiciamna ka bawlsak hi.

Tedim Bible Revision 2017

¹² Tua ciangin amaute in, “Hihte khempeuh ka piakik ding uh a, amaute tung panin bangmah ka kal nawn kei ding uh hi. Na gen bangin ka gamta ding uh hi,” hong ci uh hi. Tua ciangin siampite ka sam a, a ciam sa bangun a gamtat nadingun siampiteʼ mai ah kiciamna ka bawlsak hi.

Nehemiah 5:12 Referans Kwoze

Ezra 10:5

Tua ciangin Ezra ding-in a kigensa bangin amaute a gamtat nadingun a kiciam dingin siampi liante, Levi mite leh Israel khempeuh sawl a, amau zong kiciam pah uh hi.

Luka 19:8

Zakkhias ding a, “Topa aw, keimah in ka neihsa kimkhat mizawngte ka pia ding hi. Mi khatpeuh na ka lakkhak leh, a zah li-in ka loh kik ding hi,” a ci hi.

Mattiu 26:63

Zeisu pau loin a om hi. Siampi ukpa in, “Nang, Pasian’ Tapa Khazih na hi hiam, na hi kei hiam kote kiangah nong gen nadingin a nungta tawntung Pasian min tawh ka hong sawl hi,” a ci hi.

Nehemiah 13:25

Amaute tai gawpin ka samsia a, pawlkhat satin a sam uh ka bawhsak gawp hi. Tua ciangin Pasian’ min tawh amaute ka kiciamsak a, “Note in amau’ tapate’ zi dingin na tanute na pia kei ding uh a, na tapate uh zi dingin ahi a, nomau’ zi dingin ahi zongin amaute’ tanu na la kei ding uh hi.

Nehemiah 10:31

Hih mite in sabbath ni-in van ahi a, an ahi zongin hong zuak leh sabbath ni leh ni siangtho khat peuhpeuh ni-in i lei kei ding hi. Kum sagihna-a an piangte lo-ah nusia-in tua kumin leiba khempeuh i maisak ding hi.

Nehemiah 10:29

a sanggam uh ahi, amau’ makaite pawmin, Pasian’ nasem Moses in a piak Pasian’ thukham zui-in, eite’ Topa ahi Topa’ thupiakna khempeuh, ama ngeinate leh ama thukhamte a zuih nading uh kiciamna bawl uh hi.

Ezra 10:12

Tua ciangin a kikhawm mi khempeuh in dawngin kiko uh a, “Hi ta hen; na gen bangin ka hih ding uh hi.

Nehemiah 5:11

Tu ni mahmah-in a lote, a leenggui lote, a oliv lote, a innte uh leh a meet-a na lak uh sum, an, leenggahzu, leh sathaute, amaute tungah pia kik un,” ka ci hi.

Nehemiah 10:30

Gamdang mite tungah i tanute i kha kei ding a, i tapate’ zi dingin zong i la kei ding hi.