Nehemiah 5:10 - Tedim Bible

¹⁰ Kei leh ka behte leh ka nasemte in zong an leh sum leitawi-in ka pia khia uh hi. Leiba ameet kilakna phiat ni.

Tedim Bible Revision 2017

¹⁰ Kei le ka behte le ka nasemte in zong an le sum leitawi-in ka pia khia uh hi. Leiba manin mi kilakna phiat ni.

Nehemiah 5:10 Referans Kwoze

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

2 KORIN NIHNA 5:20

Tua ahih ciangin kote in Khazih tang ding sawltak ka hi uh hi. Note in Pasian tawh na kilem un ci-in Pasian in kote tungah hong hansuah mah bangin kote in zong Khazih tang ding kong thuum uh hi.

2 KORIN NIHNA 5:11

Tua ahih leh, Topa kihtakna kote in thei-in midangte ka zol lai takun Pasian mai-ah ka kilang uh hi. Note lungsim mai-ah zong ka kilang uh hi ci-in ka um uh hi.

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

Ezekiel 18:13

A meet lunggulhna-in sum leitawi pia a, a meet zong a kilawm loin tampi tak la hi. Hih bang mipa nungta ding ahi hiam? Nungta het lo ding hi. Hih bangin a mindai huaite khempeuh gamta ahih manin tuate’ hangin amah si ding hi. Ama sihna in ama mawhna hang ahi hi.

Ezekiel 18:8

A meet bekbek lunggulhna-in sum leitawi pia lo hi. Gamtat siat ding ut lo a, mite’ thu a manin khensak hi.

Late 15:5

a meet-in ama sum kha lo a, thutangte’ lang ah golhguk a la lo mi ahi hi. Hihte khempeuh a hih mi pen liing ngei lo ding hi.

Nehemiah 5:7

Kei zong hih thu lim takin ka ngaihsun a, tua ciangin uliante leh thukhente tai-in amaute kiangah, “No leh no lei kibat manin ameet na kila uh hi,” ka ci hi. Amaute nakpi takin tai-in,

Nehemiah 5:9

Tua ciangin keimah in, “Note’ gamtatna hoih lo hi. I gal ahi mi namdangte’ zahkohna i ngah loh nadingin i Pasian zahtakna tawh na gamtat ding uh kilawm hi.

Nehemiah 5:11

Tu ni mahmah-in a lote, a leenggui lote, a oliv lote, a innte uh leh a meet-a na lak uh sum, an, leenggahzu, leh sathaute, amaute tungah pia kik un,” ka ci hi.

Isaiah 58:6

“Kei’ deih antan’na pen hih bang ahi hi! Gitlohna khaute phelin, hakkol savun khaute phel a, a kinengniam mite khahkhia-in, hakkol khempeuh suktan ding ahi hi.

Thu-hilhkikna 15:2

Hih in maisak nading zia ahi hi: leitawi a pia mi khempeuh in a vengte tungah leitawi a, a piaksate maisak ding hi: Topa’ maisakna kigen khin ahih manin a vengpa’ sanggampa tung pan leiba siik lo ding hi.

Nehemiah 10:32

Eite’ Pasian’ innah nasep nading ahi Ompihna Anlum, a man manin an tawh biakna, a man manin meihal biakna, sabbath ni, khadet ni, a kiseh pawite, biakna letsongte, leh Israel mite’ tangin a kibawlsak ahi kilemna bawl nadingin mawhna hanga biaknate, leh i Pasian’ innah sep ding a kisam dangte khempeuh-a zat dingin kum simin shekel khat seh-thum-suah-seh-khat piak ding ka kiciam uh hi.

Ezekiel 18:7

Kuamah khem lo a, kuama’ na zong sut lo hi. Sum leitawi a lapa in khapna van a apte zong pia kik hi. Gilkialte an vakin, puan nei lote puan guan hi.