Nehemiah 5:1 - Tedim Bible

¹ Tu-in mi nautang numei leh pasalte in a Judah mipihte uh tungah lungkim lohna kam hong gingsak uh hi.

Tedim Bible Revision 2017

¹ Tu-in mi nautang numei le pasalte in a Jew mipihte uh tungah lungkim lohna kam hong gingsak uh hi.

Nehemiah 5:1 Referans Kwoze

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Sawltak 7:26

Zingsang ciangin amau kiangah pai a, “Lawmte aw, u leh nau hi napi-in bang hangin khat leh khat na kibawlsia uh hiam?’ ci-in kilemna thu a gen hi.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

JOB (Job) 34:28

Amaute in mizawngte kapsak gawp uh a, mizawngte’ huhngetna awging Pasian in za hi.

Paikhiatna 3:7

Tua ciangin Topa in, “Izipt-ah a om ka mihingte’ gimna mu khinin a uk nasem ukte hangin amau’ kikona ka za khin hi; amau’ thuaknate ka lunghimawh a,

Nehemiah 4:23

Tua ahih ciangin keimah-a kipan ka behte, ka nasemte, leh kei hong cingte, a kuamah peuh puan suah man om loin, mi khempeuh in ka khut uhah galhiam ka tawi den uh hi.

Jeremiah 34:8

Zedekiah kumpipa in numei ahi zongin pasal ahi zongin Hebru mipih silate khah khia-in, kuamah in a mipih Judah mite sila-in khawi thei lo ding hi, ci-in suahtak nading thu zasak a, Jerusalem khua-a mi khempeuh tawh thuciamna a bawl khit ciangin Topa in Jeremiah a hopih hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sau vei lua zo ta hi. Na ngongtatnate uh leh mi na nenniamnate uh khawl un la, thuman thutangin na sem un. Amau leitang panun ka mite notkhia nawn kei un. Topa Pasian keimah in hih thu kong gen hi.

Malakhi 2:13

Note’ gamtatna adang khat om lai hi. Tua in, note in Topa’ biakna tau, khitui tawh na kawtsak uh a, kapin thuumin na om uh hangin note’ paipih biaknate, amah in hong sang nawn lo hi.