Nehemiah 4:5 - Tedim Bible

⁵ Amaute in a lang tangin kulh ciangte mai-ah nang hong kosia uh ahih manin amau’ mawhna maisak kei in la, na muhna panin zong a mawhna uh sumit kei in,” ka ci hi.

Tedim Bible Revision 2017

⁵ Amaute in a langtangin kulh ciangteʼ mai ah nang hong hehsak uh ahih manin amauʼ mawhna maisak kei inla, na ciaptehna panin zong a mawhna uh sumit kei in,” ka ci hi.

Nehemiah 4:5 Referans Kwoze

Jeremiah 18:23

Ahih hangin Topa aw, amaute in thah dinga a hong sawmna uh nang na thei hi. Amau’ khialhna na maisak kei in la, nangma’ muhna panin amau’ mawhnate phiatmang sak kei in. Nangma’ mai-ah amaute guallelsak in la, na heh ni mahin hih ek in.

Late 109:14

Topa’ mai-ah a pu a pate’ mawhna kiciamteh hen la, a nu’ mawhna kimaisak kei ta hen!

2 TIMOTI NIHNA 4:14

Sumsungpa Alekzander in keimah tungah a hoih lo tampi hong bawl hi. Amah in a hihna bangin ama tungah Topa in a thuk ding hi.

Isaiah 44:22

Na thupalsatnate meiipi bangin, na khialhnate meiilum bangin ka phiatkhia khin zo hi; nang hong tan khin ka hih ciangin kei kiangah hong ciahkik in.

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Late 51:1

Pasian aw, nangma itna kip om bangin kei hong hehpih in la, na hehpihna lian om bangin ka thu palsatnate hong phiatkhiat sak in.

Late 51:9

Ka mawhna na mai panin seel in la, ka khialhna khempeuh hong phiatkhiat sak in.

Nehemiah 4:6

Tua ahih ciangin kulh ka ciang uh a, nasep a kim ciang bang kizo hi; mite in utna lungsim tawh sem uh hi.

Isaiah 2:9

Tua ahih ciangin mite kiniamkhiat sukin, mite a niamin kikoih suk hi. Amaute’ mawhna maisak kei in:

Kah la 1:22

A gitlohna hangun amau tungah thukhen in. Ka mawhna hanga daan nong piak mah bangin amaute zong daan pia in. Gimna ka thuak manin ka tau a, ka lungtang a gim hi.

2 SAMUEL NIHNA 17:2

Amah gimin lungkia-in a om lai takin amah ka hih ding a, amah ka amkhamsak ding hi; tua ciangin amah tawh a om mi khempeuh tai ding uh hi. Keimah in kumpipa bek ka satpuk ding a,