Nehemiah 4:17 - Tedim Bible

¹⁷ Kulh-a cian’ ding na a nawn mite in khut lang khat in a van puak uh lenin a khut lang khat uhah galhiam tawi uh hi.

Tedim Bible Revision 2017

¹⁷ Kulh-a cian ding na a nawn mite in a khut lang khat uh tawh a van puak uh lenin a khut lang khat uh ah galhiam tawi uh hi.

Nehemiah 4:17 Referans Kwoze

2 TIMOTI NIHNA 4:7

Galdona a pha ka do zo hi, tai nading lam a mong dongin ka tai zo hi, upna thu ka keem zo hi.

2 TIMOTI NIHNA 2:3

Nang in Khazih Zeisu’ galkap siampa bangin keimah tawh gimna na thuak khawm in.

2 KORIN NIHNA 6:7

thuman thuhilhna, Pasian’ vangliatna lahna, dikna galhiam ziat lam leh vei lamah silhna hang ahi zongin,

Filippi 1:28

Tua bangin galte hangah lau lohna in amaute’ adingin kisiat nading lim ahi hi; note’ adingin ahih leh, Pasian’ vaihawmna bangin gupna lim ahi hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

1 KORIN MASA 16:9

Bang hang hiam na cih uh leh, lawhcin’ nadingin alian kongkhak a mansa-in kei ading a kihong hi. Hong langpan mi zong tampi a om uh hi.

1 KORIN MASA 9:12

Midangte in note tungah hih bang thu a ngah theih uh leh, kote in ka ngah ding uh kilawmzaw hilo ahi hiam? Ahih hangin kote in tua thu ka zang kei uh hi. Khazih’ Lungdamna Thu ka khaktan khak loh nadingun na khempeuh ka thuak uh hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Nehemiah 4:13

Tua ahih ciangin kulh nung lam mun niampenna mun awng tengah a namsau uh, a teipi uh, leh a thal uh tawh, a innkuankuan-un ka mite ka pangsak hi.

Nehemiah 4:16

Tua hun-a kipanin ka khut nuai-a om mite kimkhat in na sem a, a kimkhat in a teipite, a lumte, leh a thalte uh tawi-in sikpuan silhin ding uh hi; uliante in kulh a ciang Judah mite khempeuh uk uh hi.

Nehemiah 4:18

Kulh ciangte in na a sep kawmun a kawng ciat uhah a namsau uh kuah uh hi. Peengkul tumpa ahih leh keima kiangah om hi.

Late 149:6

Minamte tungah phu la-in mihingte daan pia ding, amau kumpite sikkhau tawh henin amau miliante sikkol bulh ding, a kigelhsa thukhenna bangin amaute tungah a semkhia dingin, lang nih-a hiam namsau a tawikawmin, Pasian phat-in awng ta uh hen! Hih in ama misiangthote’ minthan’na ahi hi. Topa phat un!

Solomon la 3:8

A vekpi-in namsau zat a siam vive hi a, galdo a siam vive hi khin uh hi. A vekpi-in namsau kuah kim uh a, mi’ hih khak ding cing uh hi.

Joel 2:8

Amau’ lampi san ciat hong tawn uh a, kuamah a kiphukha om lo uh hi. Amau mah dalna dinga kibawlte hong phu gawp uh a, khawl het loin hong paisuak uh hi.