Nehemiah 4:14 - Tedim Bible

¹⁴ Mite’ launa ka muh ciangin, uliante leh mi ukte leh mikhempeuh tungah, “Amaute kihta kei un. Na sanggamte, na tapate, na tanute, na zite uh leh na inn na lote uh adingin hong dosak, a lian a kihtak-huai Topa phawk un,” ka ci hi.

Tedim Bible Revision 2017

¹⁴ Miteʼ launa ka muh ciangin, uliante, mi ukte le mi khempeuh tungah, “Amaute kihta kei un. Na sanggamte, na tapate, na tanute, na zite uh le na inn na lote uh adingin hong dosak, a lian a kihtakhuai Topa phawk un,” ka ci hi.

Nehemiah 4:14 Referans Kwoze

2 SAMUEL NIHNA 10:12

Kihangsak in, i mite ading leh i Pasian’ khuapite adingin kipasalsak ni; Topa in hoih a sak bangin hong hih ta hen” a ci hi.

Gamlak-vakna 14:9

Topa lehdo kei hamtang un; amaute pen zialmang pak ding i hih manin tua gam mite kihta kei un; amau’ kiang panin amau’ kidalna kilakhia a, eite tawh Topa hong om hi; amaute kihta kei un,” ci uh hi.

Hebru 13:6

Tua ahih ciangin: “Topa in kei hong huhpa hi a, ka lau kei ding hi. Mite in kei tungah bang hong cih thei ding ahi uh hiam?” ci-in kimuan’na lungsim tawh i gen thei hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Late 65:5

Tuipi gamla pente leh leimong dong khempeuhte’ lametna, komau’ kihotkhiatna Pasian,

Late 20:7

Pawlkhat in leengte kihihsak pih-a, pawlkhat in sakolte kihihsak pih hi; ahih hangin eite in Topa i Pasian’ min i kihihsak pih hi.

Nehemiah 1:5

Ka thungetna-ah, “Aw vantung Pasian, Topa, nang hong itin na thupiakna a zuite tungah na thuciamna lim takin a zui, a lian a kihtak-huai Pasian aw,

2 KHANG TANGTHU NIHNATE 32:7

“Thakhauh un la, hang un. Assiria kumpipa leh amah tawh a om mihon khempeuh mai-ah lau kei un la, zong lungkia kei un; bang hang hiam cih leh amah tawh a omte sangin eite tawh a ompa lianzaw hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Thu-hilhkikna 10:17

Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.

Thu-hilhkikna 1:21

En un, Topa na Pasian un note mai-ah leitang koih zo hi; Topa, na pate uh Pasian in note tungah hong gensa bangin pai un la, luah un; lau kei un la, lungkia kei un,’ kong ci hi.

Late 143:5

Hunluite ka phawk a, nangma sepsate khempeuh ka ngaihsunsun hi; na khut in a sepsa nate ka lungngaingai hi.

Late 66:5

Hong pai un la Pasian’ sepsate mu un; mite’ lak-a a bawlnate ah amah dipkuat-huai hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Late 27:1

Topa in ka khuavak leh ka kihotkhiatna hi; kua zahtak ding ka hi hiam? Topa in ka nuntakna’ adingin mun muanhuai hi; bang laupih ding ka hi hiam?

JOB (Job) 37:22

Kham meel khuavak leilu lam pan hong taang a, Pasian’ minthan’na in zahtakna tawh hong kidimsak hi.

Thuhilh-sia 12:1

Na lungkham hun ding hong tun’ ma, “Nuntakna nuamsa kei ing,” na cih ma hun, na khangno lai takin nang hong Piangsakpa phawk in.

Paikhiatna 14:14

Topa in note adingin hong dosak ding a, note ahih leh na om hithiat ding uh hi bek hi,” a ci hi.

Paikhiatna 14:25

amau’ leeng peite tumsak ahih manin man bekbak-in hawl uh hi; Izipt mite in, “Israel’ mai panin tai ni; bang hang hiam cih leh Izipt mite' lang pangin Topa in amau’ adingin do hi,” ci uh hi.

Thukhente 3:27

Amah a tun’ ciangin Efraim mualtung gamah peengkul gingsak hi; mualtung gam panin Israel mite amah tawh paisuk uh a, amau’ lutangin amah nei uh hi.

Daniel 11:32

Kumpipa in tua biakna a nusia khinsa mite a thu zawh theih nadingin zuau gen siamna a zang ding hi. Ahih hangin Pasian nung a zui mite in ahih uh leh kiptakin a nial ding uh hi.

Zekhariah 14:3

Tua ciangin Topa hong kuankhia ding a, a beisa hun-a a sim ngei bangin hih minam dangte hong sim ding hi.