Nehemiah 4:11 - Tedim Bible

¹¹ Tua ciangin ka galte un, “Amau’ phawk loh kalun amaute lakah pai-in i that ding a, a nasep uh i beisak ding hi,” hong ci uh hi.

Tedim Bible Revision 2017

¹¹ Tua ciangin ka galte un, “Amauʼ phawk loh kalun amaute lakah pai-in i that dinga, a nasep uh i beisak ding hi,” hong ci uh hi.

Nehemiah 4:11 Referans Kwoze

1 THESALONIKA MASA 5:2

Bang hang hiam na cih uh leh, zan a, gutate hong pai mah bangin Topa’ Ni in hong tung ding hi ci-in note mah in a tel takin na thei uh hi.

Sawltak 23:21

Tua ahih ciangin amau deihna bangin zui kei in. Bang hang hiam na cih leh, Paul a thah khit matengun an ne lo, tui dawn lo ding ci-in a kiciam mi sawmli val lampi gei-ah a ding uh hi. Tu-in tuate in amau thu na man’ ding a ngak uh hi,” a ci hi.

Sawltak 23:12

Khua a vak ciangin Judah mite kikhawm uh a, “Paul i thah khit matengin an i ne kei ding hi, tui i dawn kei ding hi,” ci-in a kiciam uh hi.

Isaiah 47:11

Ahih hangin nangmah in na beisak theih loh tuahsiatna na tungah hong tung ding hi; nangmah in maisakna na ngah theih loh gimna nang tungah hong tung ding hi; nang in a thu na theih hetloh siatna na tungah thakhatin hong tung ding hi.

Late 56:6

Amaute kikai khawmin hong buk uh hi, ka kalsuanna hong encik uh hi. Amaute in keimah hong thah ding a hanciam uh bangin,

2 SAMUEL NIHNA 17:2

Amah gimin lungkia-in a om lai takin amah ka hih ding a, amah ka amkhamsak ding hi; tua ciangin amah tawh a om mi khempeuh tai ding uh hi. Keimah in kumpipa bek ka satpuk ding a,

Nehemiah 4:9

Tua ahih ciangin ka Pasian uh tungah thu ka ngen uh a, amaute a en dingin sun leh zanin galvil ka koih uh hi.

Nehemiah 4:10

Tua ciangin Judah mite in, “Nasemte a tha uh zaw ta a, ahi zongin nin tampi om lai hi; eima tha tawh kulh cian’ i zo ngei kei ding hi,” hong ci uh hi.

Nehemiah 4:12

Amaute lakah a teeng Judah mite khuapi sungah hong pai ciangin, ka galte uh a omna khempeuh ciat panun hong pai-in kote hong sim nading thu, sawm vei tak hong hilhkhol uh hi.