Nehemiah 3:15 - Tedim Bible

¹⁵ Mizpah gam a uk, Kolhozeh’ tapa Shallum in Tuinak Kongpi puah hi; amah in tua kongpi bawl pha-in a kongkhakte a kalhnate tawh bulh hi; tua ciangin amah in kumpipa’ huan gei-a Shelah Bual a kulh ciang a, David Khuapi pan-a hong paisuk kahlei ciang dong sem hi.

Tedim Bible Revision 2017

¹⁵ Mizpah gam a uk, Kolhozehʼ tapa Shallum in Tuinak Kongpi puah a, tua kongpi bawl pha-in a kongkhakte a kalhna bulh hi. Tua ciangin amah in kumpipaʼ huan gei-a kulh ciang a, David khuapi pan a hong pai suk kahlei ciang dong a sem hi.

Nehemiah 3:15 Referans Kwoze

Johan 9:7

“Pai in la, Siloam bual tui sungah na mit na sil in,” ci-in a sawl hi. Siloam a khiatna in “Hong sawl hi” cihnopna hi. Tua ahih ciangin, tua pa pai-in a sil khit ciangin a mit in khua mu-in hong ciahkik hi.

Isaiah 8:6

“Hih mite in, dam tak-a a luang didi Shiloah tuite nial uh a, Rezin leh Remaliah’ tapa’ mai-ah launa tawh liing liang uh ahih ciangin;

Nehemiah 12:37

Tuinak Kongpi panin kulh kahtohna David khuapi kahlei ah paito-in, David’ inn khengin nisuahna lam manawhin Tui Kongpi dongah pai uh hi.

Luka 13:4

Tua tham loin Siloam inn sangpi puk a, a delhlup mi sawm leh giatte in Jerusalem khua sungah a om mi khempeuhte sangin mawhna a hauh zawk uh um na hi uh hiam?

Nehemiah 2:14

Tua ciangin Tuinak Kongpi leh Kumpipa’ Bual-ah ka paisuak hi; ahi zongin ka tuan’na ganhing a paisuak theih nading mun om lo hi.

Jeremiah 40:6

Tua ciangin Jeremiah zong Ahikam’ tapa Gedaliah’ omna Mizpah khua-ah pai-in gam sunga a om lai a mipihte tawh a teeng khawm hi.

Nehemiah 3:14

Bethhakkherem gam a uk, Rekhab’ tapa Malkhijah in Nin Kongpi puah hi; amah in tua kongpi bawl pha-in a kongkhakte a kalhnate tawh bulh hi.

Nehemiah 3:12

Amaute’ zomah Jerusalem gam a phel khat a uk Hallohesh’ tapa Shallum in a tanute tawh puah uh hi.

Nehemiah 3:9

Amaute’ zomah Jerusalem gam phel khat a uk, Hur tapa Refaiah in puah hi.

Nehemiah 3:7

Amaute’ zomah Gibeon leh Mizpah khuami ahi, Gibeon mi Melatiah leh Meronoth khuami Jadon in Eufrates Gungal gam a uk sawnpa’ zum dong puah uh hi.

2 KHANG TANGTHU NIHNATE 32:30

Hih Hezekiah mah in Gihon tui tungnungte khaktanin David khuapi nitumna lam pangah luang sak hi. Hezekiah a nasepna khempeuh ah a ma vang hi.

2 KUMPI NIHNATE 25:4

Tua ciangin khuapi kulh sulet uh hi; Khaldea mite khuapi kiimah a ompi mahin, kumpipa’ huan kiang lam kulhpi nih kikal kulh kongpi lampi zui-in kumpipa leh a galhang mi khempeuh zanin tai uh hi. Amaute Arabah lam manawhin pai uh hi.

Thukhente 20:3

(Tu-in Israel mite Mizpah-ah a paina thu Benjamin mite in za uh hi.) Israel mite in, “Hih bang tatsiatna hong pian’na thu hong gen in,” a ci uh hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Be-ersheba dong hong kuankhia uh a, Topa' kiang Mizpah-ah mihing khat bangin mihonte hong kikhawm uh hi.

Nehemiah 2:17

Tua ciangin amaute kiangah, “I lungkhamna thu na thei uh hi. Jerusalem a siasa-in omin, a kongpite mei in kangtum hi. Hong pai un, zahkona i ngah nawn loh nadingin Jerusalem kulh ciang pha ni,” ka ci hi.

Nehemiah 3:19

a zomah Mizpah gam a uk Jeshua’ tapa Ezer in a Kiu-a galvan koihna kahtohna san khawk khat puah hi.

Thuhilh-sia 2:6

Tua singnote tui piak nadingin tuikhukpi zong ka bawl hi.

2 SAMUEL NIHNA 5:9

Tua ciangin mun muanhuai sungah David teengin David khuapi ci-in phuak hi. Tua ciangin David in Millo panin biakinn lam-ah khuapi lam hi.