Nehemiah 3:1 - Tedim Bible

¹ Tua ciangin siampi lian Eliashib leh a siampi pihte in nasep kipanin Tuu Kongpi bawl uh hi. Amaute in a khuamte leh a zawlte bawlin a kongkhakte bulh uh hi; amaute in Mi Za Khat Tausang ciang banah Hananel Tausang dong sem uh a, tua ciangin Pasian tungah ap uh hi.

Tedim Bible Revision 2017

¹ Tua ciangin siampi lianpen pa Eliashib le a siampipihte in nasep kipanin Tuu Kongpi a bawl uh hi. Amaute in a khuamte le a zawlte bawlin a kongkhakte bulh uh hi. Amaute in Za Khat Tausang ciang banah Hananel Tausang dong sem uh a, tua ciangin Pasianʼ tungah ap uh hi.

Nehemiah 3:1 Referans Kwoze

Nehemiah 12:39

tua panin Efraim Kongpi, tua ciangin Jeshanah Kongpi, tua ciangin Ngasa Kongpi, tua ciangin Hananel’ Tausang, tua ciangin Mi Za Khat Tausang, tua ciangin Tuu Kongpi-ah pai uh a, tua ciangin Thong Kongpi-ah khawl uh hi.

Jeremiah 31:38

“En un, Topa in kong cih-inah, nisuahna lam Hananel Tau sangpi panin nitumna lam khua kulh Kiu Kongpi dongin khuapi a kibawl phat hun hong tung ding hi.

Johan 5:2

Jerusalem khua-ah Tuu Kongkhak tawh kinai, Hebru pau-in Bethzatha kici bual khat a om hi. Tua bual kimkot ah buk nga a om hi.

Zekhariah 14:10

Leilu lam Geba khua panin leitaw lam Rimmon khua dong, leitang khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om ding a, Benjamin Kongpi pan-a kipan, ni danga kongpi a omnasa Kiu Kongpi dong, leh Hananel Tausang panin kumpipa’ leenggahcilna phual ciang dong ban ding hi.

Paunak 3:9

Na neihsate leh na anpalte tawh Topa zahtak in.

Nehemiah 13:28

Siampi lian Eliashib’ tapa Jehoiada’ tapate khat in Horonaim khuami Sanballat’ makpa na hi hi; tua ahih manin keima kiang panin amah ka hawlkhia hi.

Nehemiah 3:32

Tua ciangin khamseekte leh sumbukte in a kiu-a inndei tungnung leh Tuu Kongpi kikal puah uh hi.

Paunak 3:6

Na hihna khempeuh ah amah phawk in; tua hi leh lampi maan hong lak ding hi.

Late 30:1

Topa aw, nangmah phatin ka diang ding hi, bang hang hiam cih leh kei nong kaito khin a, ka tungah ka galte na lungdamsak kei hi.

Nehemiah 12:30

Tua ciangin siampite leh Levi mite amau mah kisian’suah tawm uh a, tua khit ciangin mite leh kongpite leh kulhpi sian’suah uh hi.

Nehemiah 7:1

Kulh kiciang khinin, kongkhakte ka bulh khin a, kongcingte, lasate, leh Levi mite a kiseh khit ciangin,

Nehemiah 6:1

Kongpite ah kongkhak ka bulh nai loh hangin, kulh ka cian’ khitna leh a vang khat zong a om nawn lohna thu, Sanballat, Tobiah, Arab mi Geshem, leh ka gal dangte khempeuh un a zak uh ciangin,

Nehemiah 3:20

Ama zomah Zabbai’ tapa Baruk in a Kiu panin siampi lian Eliashib’ inn kongkhak ciang dong khawk khat sung puah hi.

Thu-hilhkikna 20:5

Tua ciangin uliante in mite kiangah thu genin, ‘Inn thak lam khinin a ap nai lo kua om na hi uh hiam? Gal sungah amah si-in midang khat in a inn ap kha ding ahih manin a innah ciahkik hen.

Nehemiah 12:10

Tua hi a, Jeshua in Joiakim’ pa, Joiakim in Eliashib’ pa, Eliashib in Joiada’ pa,

Late 48:12

Hih in i Pasian hi a, a tawntung-a eima Pasian hi, ci-a khangkikte tungah na gen theih nadingun, Zion kim velin pai-in, a tausangte sim un la, a kulh phungmai hoihte ngaihsunin, a phualpi muan’huaite va nawk kim un. Amah in a tawntungin eite, lam hong lak dingpa ahi hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Nehemiah 3:21

Ama zomah Hakkoz’ tapa Uriah, a tapa Meremoth in Eliashib’ inn kongkhak panin Eliashib’ inn mong ciang dong khawk khat sung puah hi.

Nehemiah 13:4

Ahi zongin tua hun ma-in, i Pasian’ inn sung vankoihna inndeite a uk dingin a kiseh, Tobiah tawh a kimeltheih siampi Eliashib in,