Nehemiah 2:19 - Tedim Bible

¹⁹ Ahi zongin Horonaim khuami Sanballat leh Ammon mi sal ahi Tobiah leh Arab gam-a a sem Geshem in tua thu a zak uh ciangin, kote zahpihna leh simmawhna tawh, “Hih na sep uh bang ahi hiam? Kumpipa lehpan’ na hi uh hiam?” hong ci uh hi.

Tedim Bible Revision 2017

¹⁹ Ahi zongin Horonaim khuami Sanballat, Ammon mi sal ahi Tobiah le Arab gam mi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan na hi uh hiam?” hong ci uh hi.

Nehemiah 2:19 Referans Kwoze

Nehemiah 6:6

A laikhak sungah, “Mi namdangte lakah a kigen, Geshem in zong tua a kigen thu man hi, ci-a a gen thu in, nang leh Judah mite in kumpi lehdo ding na sawm uh a, tua thu hangin kulh na ciang uh hi; tua banah nangmahmah zong kumpi na utna kigen lai hi.

Marka 5:40

Tua mite in zahpihin a nuihsan uh ciangin Zeisu in amaute khempeuh hawlkhia a, numeino’ pa leh a nu tawh amah tawh a omkhawm mite a sap khit ciangin numeino’ omna phualah tum a,

Hebru 11:36

Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Johan 19:12

Tua a kipanin Pilat in Zeisu a khah nading a zong zaw hi. Ahih hangin Judah mite in, “Hih pa na khah leh, Kaisar kumpipa’ lawm na hi kei hi; Kaisar kumpipa’ gal ahi kumpipa-a kibawl tawm mi na hi hi,” a ci uh hi.

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Jeremiah 20:8

Bang hang hiam cih leh thu ka gen simin, “Ngongtatna leh kisiatna!” ci-in ka kiko den hi. Bang hang hiam cih leh Topa’ kammal ka genkhiatna hangin ni simin simmawhna leh zahpihna ka thuak lawh hi.

Late 80:6

Nangmah in, ka vengte uh’ thusim lohin kote nong bawl a, ka galte un hong thusimlohna tawh amau kinuihsan uh hi.

Late 79:4

Kote in ka vengte uh’ zahko, ka kim uh-a omte’ ko leh nuihsat ka suak khin uh hi.

JOB (Job) 30:1

“Ahi zongin tu in, a pate uh mah bangin a kimang ngei lo, tuute a cing dingin ka uite tawh a kuan khawm dinga zong ka deih loh, kei sanga khangno zawte in kei hong ciamnuih bawl ta uh hi.

Nehemiah 6:9

Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw hi.

Nehemiah 4:1

Sanballat in kote’ kulh cian’na thu a zak ciangin lungkim loin heh mahmah a, Judah mite hong zahko hi.

Nehemiah 2:10

Ahih zongin Israel mite’ phattuam nading a sem dingin mi khat hong paina thu Horonaim khuami Sanballat leh Ammon mi sal ahi Tobiah in a zak uh ciangin nakpi takin lungkim lo uh hi.

Mattiu 9:24

“Taikhia un. Numeino a si hi lo hi, a ihmu hi,” a cih leh, tua mite in zahpihin a nuihsan uh hi.

Nehemiah 13:28

Siampi lian Eliashib’ tapa Jehoiada’ tapate khat in Horonaim khuami Sanballat’ makpa na hi hi; tua ahih manin keima kiang panin amah ka hawlkhia hi.

Late 123:4

A ut ut-a gamta mite’ hong zahkona, mi kiphasakte’ hong simmawhna tawh sau vei ka gim lua khin ta uh hi.

Jeremiah 41:10

Tua ciangin kumpi cing galkapmang Nebuzaradan in, Ahikam’ tapa Gedaliah’ uk dinga a piak kumpipa’ tanute leh Mizpah khua-a a kinusia mite khempeuh-a kipan Mizpah khua-a a om lai mi vannuai khempeuh Nethaniah’ tapa Ishmael in a man a, Ammon gam lam zuanin a paikhiatpih hi.

Late 80:7

Ka ngei uh hong bangsak kik in, mihonpite’ Pasian aw; kote a hong kihotkhiat theih nadingin na maitang hong taang sak in!

Isaiah 36:5

Kampau lel pen galdo nadingin vaihawmna leh vaang-in ngaihsun na hi uh hiam? Kei nong lehdo nadingun kua suang na hi uh hiam?