Nehemiah 2:18 - Tedim Bible

¹⁸ Tua ciangin a dik ka Pasian in kei hong ompihna leh kumpipa in kei tungah hong gen thute zong amaute tungah ka gen hi. Tua ciangin amaute in, “Tu-in nasep kipan ni,” hong ci uh hi. Tua ahih ciangin lawp mahmah leh ngimna hoih tawh nasep kipan uh hi.

Tedim Bible Revision 2017

¹⁸ Tua ciangin a dik ka Pasian in kei hong ompihna le kumpipa in kei tungah hong gen thute zong amaute tungah ka gen hi. Tua ciangin amaute in, “Tu-in nasep kipan pah ni,” hong ci uh hi. Tua ahih ciangin lawp mahmahna le ngimna hoih tawh nasep a kipan uh hi.

Nehemiah 2:18 Referans Kwoze

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

2 KHANG TANGTHU NIHNATE 32:5

Amah in lungsim kho takin sep ding kipan a, a cimsa kulh khempeuh ciang pha-in tua tungah tausangte koihto a, tua pua lamah kulh dang khat ciang hi; amah in David khuapi sungah Millo a muanhuai-in bawlpha hi. Amah in galhiam leh lumte zong tampi bawl hi.

1 KHANG TANGTHU MASATE 19:13

Hang in, i mite ading leh i Pasian’ khuapite’ ading pasal tat ni; Topa in ama hoihsak bangin hong hih ta hen,” a ci hi.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Ezra 6:22

Tua hi a, amaute in lungdamna tawh ni sagih sung silngo sawhloh anlum pawi bawl uh hi; bang hang hiam cih leh amau’ lungdam nading a om theih nadingin Topa in Assiria kumpipa’ lungsim amau tungah a nuam dingin bawlsak a, tua ahih manin Israel Pasian ahi Pasian’ inn a sepna uhah kumpipa in amaute huh hi.

2 SAMUEL NIHNA 2:7

Tua ahih ciangin tu-in note kithakhauhsakin hang un; bang hang hiam cih leh na topa uh Saul si a, Judah mite in amau’ tungah kumpi-in kei sathau hong nilh khin uh hi,” a ci hi.

1 KHANG TANGTHU MASATE 11:10

Tu-in hihte in Israel tawh kisai-in Topa’ thugen bangin amah kumpi-in a bawl dingin Israel khempeuh tawh ama kumpi gam sungah amah nakpi takin a huh David’ mi a thahat a ukpite ahi hi.

1 SAMUEL MASA 23:16

Tua ciangin Saul’ tapa Jonathan ding-in David kiang Horesh ah pai a, Pasian in hong huh ding hi, ci-in amah hanthawn hi.

Nehemiah 2:8

leh biakinn hut nading mun muanhuai kongpi ding, leh khuapi kulh ding, leh ka om nading inn lam nadingin sing hong piak theih nadingin kumpipa’ tulak a kem Asaf tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.