Nehemiah 2:13 - Tedim Bible

¹³ Kuam Kongpi tawnin Gulpi Tuikhuk leh Nin Kongpi lamah ka pai a, a kicimsa Jerusalem kulhpi leh mei in a kattumsa a kongpite ka en hi.

Tedim Bible Revision 2017

¹³ Kuam Kongpi tawnin Gulpi Tuikhuk le Nin Kongpi lamah ka pai a, a kicim sa Jerusalem kulhpi le mei in a kat tum sa a kongpite ka en hi.

Nehemiah 2:13 Referans Kwoze

Nehemiah 1:3

Salsuahna panin a suakta, tua gam-a a om suakte in haksatna lianpi leh maizumna a ngahna uh, leh Jerusalem kulh kicimin kulhkongpite mei in a kattumna thu hong gen uh hi.

Nehemiah 2:17

Tua ciangin amaute kiangah, “I lungkhamna thu na thei uh hi. Jerusalem a siasa-in omin, a kongpite mei in kangtum hi. Hong pai un, zahkona i ngah nawn loh nadingin Jerusalem kulh ciang pha ni,” ka ci hi.

Nehemiah 2:3

kumpipa ka dawng a, “Kumpipa nungta tawntung in. Ka pute ka pate a kivuina khuapi sia gawp a, a kongpite kangtum ahih ciangin maikhing loin bangci om theih ding ka hi hiam?” ka ci hi.

2 KHANG TANGTHU NIHNATE 26:9

Tua tham loin Uzziah in Jerusalem a Kiu Kongpi leh a Kuam Kongpi leh a Keen Kulh san-ah tausangte lam a, tuate kulh tawh um hi.

Nehemiah 12:31

Tua ciangin khuapi kulhzang ah Judah mi uliante ka paipih a, lam pai kawmin lungdamna ko dingin pawl lian nih ka seh hi. Kulhzang panin pawlkhatte taklam manawhin Nin Kongpi lamah pai uh hi.

Nehemiah 2:15

Tua hi a, a zanpi mahin kuam lamah pai-in khuapi kulh ka vel hi; tua ciangin Kuam Kongpi mah tawnin khuapi sungah ka lut kik hi.

Jeremiah 5:10

“A gual-a a kisuan a leenggah huan sungah pai in la, suksiat sak in; ahi zongin suk maimangsak sam kei in. A hiangte heuh khiatsak in, bang hang hiam cih leh tuate Topa’ aa hi lo hi.

Nehemiah 2:12

Tua ciangin zan-in vak khia-in mi tawmkhat ka tonpih hi; ahi zongin Jerusalem’ adingin ka bawlsak ding ka Pasian in ka lungsim ah hong suahsak thu kuama kiangah ka gen kei hi. Keima tuan’na sim loh ganhing dang ka kizuisak kei hi.