Nehemiah 13:25 - Tedim Bible

²⁵ Amaute tai gawpin ka samsia a, pawlkhat satin a sam uh ka bawhsak gawp hi. Tua ciangin Pasian’ min tawh amaute ka kiciamsak a, “Note in amau’ tapate’ zi dingin na tanute na pia kei ding uh a, na tapate uh zi dingin ahi a, nomau’ zi dingin ahi zongin amaute’ tanu na la kei ding uh hi.

Tedim Bible Revision 2017

²⁵ Amaute tai gawpin ka samsia a, pawl khat satin a sam uh ka bawhsak gawp hi. Tua ciangin Pasianʼ min tawh amaute ka kiciamsak a, “Note in amauʼ tapateʼ zi dingin na tanute uh na pia kei ding uh a, na tapate uh zi ding ahi a, nomauʼ zi dingin ahi zongin amauteʼ tanu na la kei ding uh hi.

Nehemiah 13:25 Referans Kwoze

Nehemiah 13:17

Tua ciangin Judah uliante tungah ka lungkim kei a, amaute kiangah, “Bang hangin hih bangin hoih lohna gamta-in, sabbath ni ninsak ngam na hi uh hiam?

Ezra 10:5

Tua ciangin Ezra ding-in a kigensa bangin amaute a gamtat nadingun a kiciam dingin siampi liante, Levi mite leh Israel khempeuh sawl a, amau zong kiciam pah uh hi.

Thu-hilhkikna 7:3

Amaute tawh kiteeng loin, na tanute uh amau tapate pia loin, a tanute uh na tapate’ adingun na la kei ding uh hi.

Nehemiah 13:11

Tua ahih ciangin uliante tungah ka lungkim kei a, “Bang hangin Pasian’ inn kinusiacip ahi hiam?” ka ci hi. Tua hi a, amaute kaikhawm kikin amau sepna ngei mun ciatah ka pangsak kik hi.

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Paunak 28:4

Thukham zui lo mite in migilote pakta uh a, thukham zui mite ahih leh migilote tawh kilemlo uh hi.

Late 15:4

a mit in ginalote thusim lo a, ahi zongin Topa a zahtakte a pahtawi mi; ama nat nading nangawn-ah a ciampel lo mi,

Nehemiah 5:13

Tua ciangin kei zong ka puan singin, “Hih thuciamna a tungsak lo peuhmah a inn leh a neihsa panin Pasian in singkhia ta hen. Hih bangin kisingkhia hen la, hawmsuak hen!” ka ci hi. Tua ciangin a kikhawmte khempeuh in, “Amen,” ci uh a, Topa phat uh hi. Tua hi a, a ciamsa bangun mite gamta uh hi.

Ezra 7:26

Na Pasian’ thukham leh kumpipa’ thukham a mang lo peuhmah, sihna ahi a, hawlkhiatna ahi a, neihsa matna ahi a, thongkiatna ahi zongin, a ngah ding a kilawm thukhenna tawh khauh takin dan kitat ding hi,” a ci hi.

Thu-hilhkikna 6:13

Topa na Pasian uh na zahtak ding uh hi; ama na bek na sem ding uh a, ama min tawh na kiciam ding uh hi.

Paikhiatna 34:16

note in amau’ tanute na tapate uh zi dingin la in, amau’ tanute in amau’ pasiante’ nungah paktatna bawlin, amau’ pasiante’ nungah na tapate uh paktatna bawlsak kha ding uh hi.

Joshua 23:12

Bang hang hiam cih leh note nungkikin note lakah a om lai minamte tawh kipawlin amaute tawh kitengin, note in amau’ numeite ten’pihin amaute in note’ numeite a teen’pih leh;

2 KUMPI NIHNATE 2:24

Tua ciangin amah a kiimah kihei a, amah in amaute a muh ciangin Topa’ min tawh amah in amaute samsia hi. Tua ciangin gamlak panin vom a pi nih hong pai-in naupang sawmli-le-nih balgawp hi.

Nehemiah 13:24

leh a tate uh kimkhat in Ashdod kampau a zatna, leh Judah kampau zang thei loin, amau’ pau ciat bek a zat theihna thu ka mukhia hi.

Late 119:53

Nangma thu a nusia migilote hangin ka heh a suak hi.

Nehemiah 5:6

Amaute’ kikona leh hih thute ka zak ciangin ka heh mahmah hi.