Nehemiah 13:22 - Tedim Bible

²² Tua ciangin sabbath ni a siangtho-in a omsak theih nadingun amaute kisian’suah tawmin kongpite hong cin’ nadingun Levi mite ka sawl hi. Ka Pasian aw, hih thu ah zong hong phawk in la, na itna tawh kizui-in siatna panin kei hong pengsak in.

Tedim Bible Revision 2017

²² Tua ciangin Sabbath ni a siangtho-in a omsak theih nadingun amaute kisiansuah tawmin kongpite hong cin nadingun Levi mite ka sawl hi. Ka Pasian aw, hih thu ah zong hong phawk inla, na itna tawh kizui-in siatna panin kei hong pengsak in.

Nehemiah 13:22 Referans Kwoze

Nehemiah 12:30

Tua ciangin siampite leh Levi mite amau mah kisian’suah tawm uh a, tua khit ciangin mite leh kongpite leh kulhpi sian’suah uh hi.

Nehemiah 13:14

Ka Pasian aw, hih thu tawh kisai-in kei hong phawk in la, ka Pasian’ inn leh a nasep nadingin ka sepsa gamtat hoihte maimangsak kei in.

Nehemiah 13:31

Tua ciangin a kiseh hunin zat dingin cih ding sing tawh biakna leh anpal tawh biak nading ka vaihawmsak hi. Ka Pasian aw, a hoih lamin kei hong phawk in.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Isaiah 38:3

“Topa aw, lungsim khempeuh leh thuman tak tawh nangma mai-ah gamta-in, nangma muhna ah a hoih nate ka sepna thu, tu-in nong phawk nadingin kong thuum hi,” a ci hi. Hezekiah nakpi takin kap hi.

Late 130:7

Israel aw, Topa muang in! Bang hang hiam cih leh Topa itna kip tawntung a, amah in hong honkhia nuam tawntung hi.

Late 51:1

Pasian aw, nangma itna kip om bangin kei hong hehpih in la, na hehpihna lian om bangin ka thu palsatnate hong phiatkhiat sak in.

Late 5:7

Kei ahih leh, a kicing na itna kip suangin na inn sungah ka tum ding a, nangmah zahtakna tawh a siangtho na biakinn lam nga-in ka bia ding hi.

Nehemiah 12:10

Tua hi a, Jeshua in Joiakim’ pa, Joiakim in Eliashib’ pa, Eliashib in Joiada’ pa,

Nehemiah 5:19

Pasian aw, hih mite’ adingin ka bawlna khempeuh kei’ adingin a hoih lamin hong phawk in.

2 KHANG TANGTHU NIHNATE 29:30

Tua ciangin David’ kammalte leh thu-mupa Asaf’ kammalte zangin Topa’ tungah phatna la a sak nadingun kumpipa Hezekiah leh uliante in Levi mite thu pia uh hi. Tua ciangin amaute in lungdamna tawh phatna late sa uh a, kunin bia uh hi.

2 KHANG TANGTHU NIHNATE 29:27

Tua ciangin biakna tau tungah meihal biakna a kipiak nading Hezekiah in thu pia hi. Meihal biakna a kipat ciangin Topa’ tungah lasakna zong kipan a, Israel kumpi David’ lasaknate in peengkulte pawm hi.

2 KHANG TANGTHU NIHNATE 29:24

tua ciangin Israel khempeuh adingin pumkhat suahna bawl nadingin siampite in goin tuate’ sisan tawh biakna tau tungah khialhna hanga biakna bawlna bawl uh hi. Bang hang hiam cih leh Israel khempeuh adingin meihal biakna leh khialhna hanga biakna a bawl ding uh kumpipa in thu pia hi.

2 KUMPI NIHNATE 23:4

Tua ciangin kumpipa in siampi lian Hilkiah, a nihna siampi, leh kong cingte in Topa’ biakinn sung panin Baal leh Asherah milim’ adingin a kibawl nazatte khempeuh, leh vantung a, om nate khempeuh adingin a kibawlte hong paikhiatpih nading uh thupia hi; amah in Jerusalem pualam Kidron leikang halna munah tuate halin a vute Beth-el ah pua hi.

Thu-hilhkikna 5:12

“Topa na Pasian in hong thupiak bangin na siangthosak dingin sabbath ni tang in.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.