Nehemiah 13:19 - Tedim Bible

¹⁹ Tua hi a, sabbath ni ding khuamial ciangin kongpite a kikhak nading ka sawl a, sabbath bei khit mateng a kihon’ loh nadingin thu ka pia hi. Tua ciangin, sabbath ni-in khua sungah van hong kilutpih loh nadingin kongpite a cing dingin ka nasemte pawlkhat ka koih hi.

Tedim Bible Revision 2017

¹⁹ Tua hi a, Sabbath ni ding khuamial ciangin kongpite a kikhak nading ka sawl a, Sabbath bei khit mateng a kihon loh nadingin thu ka pia hi. Tua ciangin, Sabbath ni-in khua sungah van hong kilut pih loh nadingin kongpite a cing dingin ka nasemte pawl khat ka koih hi.

Nehemiah 13:19 Referans Kwoze

Siampi Laibu 23:32

Tua in note adingin thupi tawlngakna sabbath khat hi ding a, nomau mah na kigawt tawm ding uh hi; tua kha ni kua ni a nitak akipan, a nitak panin a nitak kik dong note in na sabbath uh na tang ding uh hi,” a ci hi.

Nehemiah 7:3

Tua hi a, amaute tungah, “Sun mateng Jerusalem kongpite hong sak kei un; tua ciangin ni om lai mahin kongte khak sakin kalh sak un. Jerusalem khua sunga teengte lak panin khuacing dingte seh un la, pawlkhatte galvilna munah, pawlkhatte amau’ inn mai ciatah omsak un,” ka ci hi.

Siampi Laibu 23:22

“Note in na leitang panun an na lak uh ciangin, na lo nawl dongun la loin, na an lak khit uh ciangin a sangte zong na khawm kei ding uh hi; note in mizawngte leh khualmi adingin tuate na nusia ding uh hi: keimah in Topa na Pasian uh ka hi hi,” a ci hi.

Johan 5:10

Tua ahih ciangin Judah mite in a kiangah, “Tuni in Sabbath ni ahi hi; lupna puak tuak lo hi,” ci-in a gen uh hi.

Nehemiah 13:20

Tua ciangin sumbukte leh na nam tuamtuam a zuakte, khatvei nihvei khawng Jerusalem pua lamah giak uh hi.