Nehemiah 13:18 - Tedim Bible

¹⁸ Na pu na pate uh tu-a bang teekin a gamtat manin eite tung leh hih khuapi tungah hih bang siatna khempeuh hong tung hilo ahi hiam? Tua hi napi-in note in sabbath nitsakna tawh Israel tungah hehna tamzaw na tungsak uh hi,” ka ci hi.

Tedim Bible Revision 2017

¹⁸ Na pu na pate uh tu-a bang teekin a gamtat manin eite tung le hih khuapi tungah hih bang siatna khempeuh hong tung hi lo ahi hiam? Tua hi napi-in note in Sabbath ni nitsakna tawh Israel tungah hehna tam zaw na tungsak uh hi,” ka ci hi.

Nehemiah 13:18 Referans Kwoze

Ezekiel 23:26

Na puante hong hawkkhiatsakin, a manpha na kizepnate zong hong laksak ding uh hi.

Ezekiel 23:8

A nungakna beisakin, Izipt gam-a a paktatna mah zom lailai hi. A nungak tunga kipanin mite in luppihin numei paktatte bangin bawlin a ut ut-un hih uh hi.

Jeremiah 44:9

Judah gam leh Jerusalem khua kongzing laka na pute na pate uh’ gitlohna, Judah kumpite’ gitlohna, a zite uh’ gitlohna, note mahmah’ gitlohna leh na zite uh’ gitlohnate mangngilh khin na hi uh hiam?

Jeremiah 17:27

Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

Gamlak-vakna 32:14

En un, Israel mite tungah Topa’ heh luatna a khangsak to lai dingin, khialhna’ tate, na pu na pate uh’ tangin hong khang na hi uh hiam!

Siampi Laibu 26:28

note tawh a kilehngatin ka heh ngawh pah ding a, note’ khialhna hangin keimahmah in a zah sagih vei-in kong thuhilh ding hi.

Siampi Laibu 26:18

Tua bang hi napi-in note in ka thu nong ngaih kei uh leh, keimah in na khialhna hangun a zah sagih vei-in note kong thuhilh kik ding a,

Jeremiah 44:22

Topa in na hoihlohnate uh leh na bawl uh kihhuainate hangin no hong thuak zo nawn lo hi. Tua ahih manin tuni mahmah-in zong na gam uh gamlak suak khin a, mite’ kihaamsiatna suakin kuamah teeng nawn lo hi.

Jeremiah 44:23

Note in paknamtui halin Topa tungah mawh tham loin, Topa’ thu mang loin ama’ thukhamte, a ngeinate leh a hong thupiakte zui lo na hih manun tuni mahin zong hih gimna note tungah hong tung ahi hi,” a ci hi.

Paikhiatna 31:12

Topa in Moses' kiangah,

Nehemiah 10:32

Eite’ Pasian’ innah nasep nading ahi Ompihna Anlum, a man manin an tawh biakna, a man manin meihal biakna, sabbath ni, khadet ni, a kiseh pawite, biakna letsongte, leh Israel mite’ tangin a kibawlsak ahi kilemna bawl nadingin mawhna hanga biaknate, leh i Pasian’ innah sep ding a kisam dangte khempeuh-a zat dingin kum simin shekel khat seh-thum-suah-seh-khat piak ding ka kiciam uh hi.

Amos 8:5

Note in na lungsim sung uhah, “I ante i zuak theih nadingin, zumkhak hun sung i ngak lah hi. I mangbuhte i zuak theih nadingin, cik ciangin sabbath ni bei ding hiam? I an tehna seu neu seekin, sum tampi i ngen nuam a, tawi khaina man lo zangin, a hong leite i khem nuam hi.