Nehemiah 13:16 - Tedim Bible

¹⁶ Jerusalem khua sunga teeng Tai-ar khuamite in zong ngasa leh van namkim hong paipihin Judah mite tung leh Jerusalem khua sungah sabbath ni-in zuak uh hi.

Tedim Bible Revision 2017

¹⁶ Jerusalem khua sunga teeng Taia khua mite in zong ngasa le van namkim hong paipihin Judah mite tung le Jerusalem khua sungah Sabbath ni-in zuak uh hi.

Nehemiah 13:16 Referans Kwoze

Paikhiatna 23:12

“Ni guk sung na nasep uh na sem ding uh hi, ahih hangin na bawngtal leh na la in tawlngakna a neih theih nading leh, na numei-nasem’ tapa leh khual mite in thathak a ngah theih nadingin a ni sagih ni-in na tawlnga ding hi.

Thu-hilhkikna 5:14

ahih hangin a ni sagih ni in Topa na Pasian’ sabbath ni ahi hi; tua ni-in nangmah bangin na nasem pasal leh na nasem numeite a tawlngak theih nadingin, nang, na tapate, na tanute, na nasempate, na nasem nute, na bawngtal, na la, na ganhing khatpeuh peuh leh na huang sung om zinte in na khatpeuh peuh sem lo ding uh hi.

Paikhiatna 20:10

ahih hangin a ni sagih niin Topa na Pasian’ sabbath ahi hi; tua ni-in nang, na tapa, na tanu, na nasempa, na nasem nu, na ganhing ahi a, na huang sung a om peemtate in ahi zongin na bangmah na sem kei ding uh hi;

Nehemiah 13:15

Tua hun lai-in Judah gam sungah mite in sabbath ni-in leenggah sukin, a khawhsate uh khawmin laate tungah suanin, leenggahzu, leenggah, theigah, leh van namkim, sabbath ni-in Jerusalem ah hong puakna ka mu hi; tua ni-in a an zuakna uh hangin ka lungkim lohna amaute tungah ka gen hi.

Nehemiah 13:17

Tua ciangin Judah uliante tungah ka lungkim kei a, amaute kiangah, “Bang hangin hih bangin hoih lohna gamta-in, sabbath ni ninsak ngam na hi uh hiam?