Nehemiah 13:15 - Tedim Bible

¹⁵ Tua hun lai-in Judah gam sungah mite in sabbath ni-in leenggah sukin, a khawhsate uh khawmin laate tungah suanin, leenggahzu, leenggah, theigah, leh van namkim, sabbath ni-in Jerusalem ah hong puakna ka mu hi; tua ni-in a an zuakna uh hangin ka lungkim lohna amaute tungah ka gen hi.

Tedim Bible Revision 2017

¹⁵ Tua hun lai-in Judah gam sungah mite in Sabbath ni-in leenggah sukin, a khawh sate uh khawmin late tungah suanin, leenggah, thei le van namkim, Sabbath ni-in Jerusalem ah hong puakna ka mu hi. Tua ni-in na a zuakna uh hangin ka lungkim lohna amaute tungah ka gen hi.

Nehemiah 13:15 Referans Kwoze

Nehemiah 10:31

Hih mite in sabbath ni-in van ahi a, an ahi zongin hong zuak leh sabbath ni leh ni siangtho khat peuhpeuh ni-in i lei kei ding hi. Kum sagihna-a an piangte lo-ah nusia-in tua kumin leiba khempeuh i maisak ding hi.

Nehemiah 13:21

Ahi zongin amaute hilhkholin amaute kiangah, “Bang hangin kulh gei-ah giak na hi uh hiam? Nong giah kik uh leh note tungah thu kong bawl ding hi,” ka ci hi. Tua huna kipanin sabbath ni-in amaute hong pai nawn lo uh hi.

Paikhiatna 34:21

“Ni guk sung na na sem ding uh hi, ahih hangin a ni sagih ni-in na tawlnga ding uh hi; lo khawh hun leh anlak hunin na tawlnga ding uh hi.

Isaiah 58:13

“Note in sabbath siangthosakin, keima ni siangtho ni-in na nasepna panun khawlin, sabbath ni pen deihhuai sa-in, Topa’ ni siangtho pen pahtawi-huai na cih uh a, note in pahtawi-in, note’ deihna bang zui loin, note’ ut bang hih loin mot pau loin na om uh leh,

Ezekiel 20:13

Ahi zongin Israel mite in gamlak nangawn-ah kei hong dem uh a, a zui peuhpeuh in nuntakna a ngah nading uh ahi keima thukhamte leh ka thupiaknate nial uh hi. Ka sabbathte zong nakpi takin siasak uh hi. Tua ahih manin amaute a maiman’ nadingin ka hehna teng gamlakah a thuaksak gawp dingin ka kithawi hi.

Jeremiah 17:27

Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

Jeremiah 17:24

“Ahih hangin Topa in kong cih-inah, note in ka thu nong ngaih uh a, sabbath ni-in hih khua kongpite pan bangmah hong lutpih loin, sabbath ni siangtho sakin na na sep kei uh leh,

Thu-hilhkikna 8:19

Topa na Pasian uh mangngilhin pasian dangte nung zui-in tuate’ na semin na biak uh leh, na sia taktak ding uh hi, ci-in tu ni-in lim takin kong hilh khol hi.

Paikhiatna 35:2

Ni guk sungin nasep kiman ding hi, ahih hangin a ni sagih ni-in thupi-a tawlngakna sabbath siangtho Topa’ tungah na nei ding uh hi; tua ni-in na khat peuhpeuh a sem peuhmah kithat ding hi;

Nehemiah 9:29

Tua hi a, na thukham lamah amaute hong kihei kik nading lim takin amaute na hilhkhol a, ahi zongin amaute kihisakin na thupiaknate don lo uh hi; a zuite tungah nuntakna a pia thei ahi na ngeina kip tungah amaute khial uh hi. Lung khauhin phengphi-in amaute kiheikhia uh a, thu mang nuam lo uh hi.

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

Efesa 4:17

Tua ahih ciangin Gentailte in a lungsim kiphatsakna uh tawh a gamtat bangun note in na gamtat nawn loh nadingun Topa’ deihna bangin thuumin kong hanthawn hi.

Galati 5:3

Tua bang ahi hi. Vunatna a thuak mi khempeuh teci ka pankik inah, tua bang mite in Thukham khempeuh siit loin a zuih nadingin leiba nei mi ahi uh hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Sawltak 2:40

“Hih gilo khang mite lak panin kigumkhia un,” ci-in thudang tampi tawh hansuah a, thu a hilh hi.

Micah 6:3

Topa in hih bangin thu sung a, “Ka mite aw, note bang hong cih kha ka hi hiam? Bang thu-ah note hong lunggimsak ka hi hiam? Tu-in hong dawng dih un!

Jeremiah 42:19

Tua ciangin Jeremiah in Judah gama a om lai sunte kiangah, “Topa in note’ kiangah, Izipt gamah pai kei un, hong ci hi. Tu ni-in note kong hilh kholhnate tel takin thei un.

Late 50:7

“Ka mite aw, ngai un, thu kong gen ding hi, Israelte aw, note’ lang khatah teci ka pang ding hi. Kei in Pasian ka hi a, nomau’ Pasian ka hi hi.

2 KHANG TANGTHU NIHNATE 24:19

Ahi zongin Topa’ lamah amaute a paipih kik dingin amah in amaute lakah kamsangte puak hi; hihte in amau lang khatah teci pang a, ahih hangin amaute in don lo uh hi.

Nehemiah 13:16

Jerusalem khua sunga teeng Tai-ar khuamite in zong ngasa leh van namkim hong paipihin Judah mite tung leh Jerusalem khua sungah sabbath ni-in zuak uh hi.

Paunak 28:4

Thukham zui lo mite in migilote pakta uh a, thukham zui mite ahih leh migilote tawh kilemlo uh hi.

Amos 8:5

Note in na lungsim sung uhah, “I ante i zuak theih nadingin, zumkhak hun sung i ngak lah hi. I mangbuhte i zuak theih nadingin, cik ciangin sabbath ni bei ding hiam? I an tehna seu neu seekin, sum tampi i ngen nuam a, tawi khaina man lo zangin, a hong leite i khem nuam hi.

Paikhiatna 31:12

Topa in Moses' kiangah,

Paikhiatna 31:16

Tua ahih ciangin a tawntungin thuciamna-in amau’ khang tawntungin sabbath tangin, Israel mite in sabbath kem ding uh hi.

Nehemiah 10:32

Eite’ Pasian’ innah nasep nading ahi Ompihna Anlum, a man manin an tawh biakna, a man manin meihal biakna, sabbath ni, khadet ni, a kiseh pawite, biakna letsongte, leh Israel mite’ tangin a kibawlsak ahi kilemna bawl nadingin mawhna hanga biaknate, leh i Pasian’ innah sep ding a kisam dangte khempeuh-a zat dingin kum simin shekel khat seh-thum-suah-seh-khat piak ding ka kiciam uh hi.

JOB (Job) 39:12

Lo-a na an piangte hong kaihkhopsakin, na ancilna-ah an khawm dingin um na hi hiam?