Nehemiah 13:14 - Tedim Bible

¹⁴ Ka Pasian aw, hih thu tawh kisai-in kei hong phawk in la, ka Pasian’ inn leh a nasep nadingin ka sepsa gamtat hoihte maimangsak kei in.

Tedim Bible Revision 2017

¹⁴ Ka Pasian aw, hih thu tawh kisai-in kei hong phawk inla, ka Pasianʼ biakinn le a nasep nadingin ka sep sa gamtat hoihte maimangsak kei in.

Nehemiah 13:14 Referans Kwoze

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Nehemiah 13:31

Tua ciangin a kiseh hunin zat dingin cih ding sing tawh biakna leh anpal tawh biak nading ka vaihawmsak hi. Ka Pasian aw, a hoih lamin kei hong phawk in.

Nehemiah 13:22

Tua ciangin sabbath ni a siangtho-in a omsak theih nadingun amaute kisian’suah tawmin kongpite hong cin’ nadingun Levi mite ka sawl hi. Ka Pasian aw, hih thu ah zong hong phawk in la, na itna tawh kizui-in siatna panin kei hong pengsak in.

Ezra 7:20

Na Pasian’ inn adingin a kisam, na piak ding a phamawh a om khak zenzen leh kumpipa’ sum sung panin na zang thei ding hi.

Nehemiah 5:19

Pasian aw, hih mite’ adingin ka bawlna khempeuh kei’ adingin a hoih lamin hong phawk in.

2 KHANG TANGTHU NIHNATE 24:16

Amah in Israel sung, leh Pasian’ na leh Pasian’ innah nasep hoih sem ahih manin amaute in David khuapi sung kumpite lakah amah vui uh hi.

1 KHANG TANGTHU MASATE 29:3

Tua tham loin, a siangtho inn adingin ka koihte khempeuh banah, ngun leh kham keima aa mahmah zong om a, ka pa Pasian’ inn ka ngaihsutna hangin ka Pasian’ innah ka piakte in:

Ezra 7:27

Tua ciangin Ezra in, “Jerusalem a, om Topa’ inn tua bangin a minthangsak thuah dingin kumpipa lungsim ah suak sak a, kumpipa leh a thulamlakte leh a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Mangmuhna 3:5

A zo mi in tua bang puanpaak a silh ding hi. Ama min zong nuntakna laibu pan ka su mang ngei kei ding hi. Ama min ka Pa mai-ah ahi zongin, ka Pa’ vantungmite mai-ah ahi zongin ka gum ding hi.

Ezra 7:24

Siampite, Levi mite, lasate, kongcingte, biakinn nasemte, ahih kei leh hih Pasian’ inn-a nasemte khat peuhpeuh tung panin siah ahi a, mangmu ahi a, lo sap ahi zongin lak nading thu na neih lohna uh zong kong zasak uh hi, ka ci hi.

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

Isaiah 38:3

“Topa aw, lungsim khempeuh leh thuman tak tawh nangma mai-ah gamta-in, nangma muhna ah a hoih nate ka sepna thu, tu-in nong phawk nadingin kong thuum hi,” a ci hi. Hezekiah nakpi takin kap hi.