Biblia Todo Logo
Bib sou entènèt

- Piblisite -




Nehemiah 13:13 - Tedim Bible

13 Tua ciangin tua vankoihna innte a kem dingin siampi Shelemiah, lai thei Zado, leh Levi mi Pedaiah, leh amaute a huh dingin Mattaniah’ tapa Zakkur, a tapa Hanan ka seh hi; bang hang hiam cih leh amaute in mi muanhuai ahi uh hi. Amau’ nasep in a sanggamte uh tungah amau’ tanh ciat uh a hawmkhia ding ahi uh hi.

Gade chapit la Kopi

Tedim Bible Revision 2017

13 Tua ciangin tua vankoihna innte a kem dingin siampi Shelemiah, lai thei Zadok le Levi mi Pedaiah le amaute a huh dingin Mattaniahʼ tapa Zakkur, a tapa Hanan ka seh hi; bang hang hiam cih leh amaute mi muanhuai ahi uh hi. Amauʼ nasep pen a sanggamte uh tungah amauʼ tanh ciat uh a hawm khia ding uh ahi hi.

Gade chapit la Kopi




Nehemiah 13:13
20 Referans Kwoze  

ka sanggampa Hanani leh galdalna inn a uk Hananiah in a et dingin Jerusalem ka pia hi; bang hang hiam cih leh Hananiah in midang tampi sangin a citakzaw, Pasian a zahtakzaw mi khat ahi hi.


Ahih hangin thuman takin amaute gamta uh ahih manin amaute khut sungah a kipia sumte hangin amaute tung panin sazian kingen lo ding hi,” a ci hi.


Tua tham loin, sumpi keempa in lungsim dik a nei ding hi.


Tua ahih ciangin ute naute aw, Kha Siangtho tawh ahi zongin, lungpilna tawh ahi zongin a kidim leh zahtakna a ngah, nomau lakah pasal sagih zong un la, hih na a sem dingin kote in ka koih ding uh hi.


Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.


Tua ciangin khuapite kiimah lo omte a golna leh a neuna tawh kizui-in siampite leh Levi mite’ adingin thukham sunga om bangin a kaihkhop ding uh a kipia nate, anpalte, leh sehsawm suah sehkhatte a koih nading uh vankoihna innte a uk dingin mi kiseh hi; bang hang hiam cih leh siampite leh Levi mite’ nasepna hangin Judah mi khempeuh lungdam mahmah uh hi.


Amaute in thuman takin na sem uh ahih manin nasemte tungah piak dingin a khut sung uhah sum a apnate uh tung panin amaute in sum ciamtehna lai ngen lo uh hi.


Tua mite in a masa-in ze-etna thuak ta uh hen. Tua nung ciangin mawhsak nading a om kei leh, pawlpi upa na sem ta uh hen.


Tua thu kei hong keemsak ahih ciangin tha hong dimsak i Topa Khazih Zeisu’ hehpihna ka phat hi.


Sawltakte’ khe mai-ah koih uh a, mikim in a sapna tawh kituakin a vekpi-un a hawm ciat uh hi.


Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?


leh siampi pawlkhat peengkul tawh: Asaf tapa Zakkur, a tapa Mikaiah, a tapa Mattaniah, a tapa Shemaiah, a tapa Jonathan, a tapa Zekhariah,


Jerusalem a, Levi mite ukin Pasian’ inn nasepna a vaanpa in Mika’ tapa Mattaniah, a tapa Hashabiah, a tapa Bani, a tapa Uzzi hi a, amah in lasa Asaf’ suante sung pan ahi hi.


Zakkur, Sherebiah, Shebaniah,


Tua ciangin thugen nadinga sing tawh kibawl tau tungah lai theipa Ezra dingto a, ama taklam pangah Mattithiah, Shema, Anaiah, Uriah, Hilkiah, leh Ma-aseiah ding uh a, a veilam pangah Pedaiah, Mishael, Malkhijah, Hashum, Hashbaddanah, Zekhariah leh Meshullam ding uh hi.


Ama zomah Shelemiah’ tapa Hananiah leh Zalaf tapa gukna Hanun in khawk dang khat sung puah uh hi. Amau zomah Berekhiah’ tapa Meshullam in ama inndei mai san teng puah hi.


Levi mite in sehsawm suah sehkhat a khop uh ciangin Aaron’ suan siampite tawh hih khawm ding uh hi; tua ciangin Levi mite in i Pasian’ inn sunga vankoihna a kilawm mun inndeite ah sehsawm suah sehkhat sungpan sawm-ah khat puak ding uh hi.


Mawhna hanga piak sum leh khialhna hanga piak sumte Topa’ inn sungah kipaipih lo hi; tuate in siampite’ aa ahi hi.


Swiv nou:

Piblisite


Piblisite