Nehemiah 13:12 - Tedim Bible

¹² Tua ciangin Judah mite khempeuh in an, leenggahzu, leh sathau sung pan sehsawm suah sehkhat hong paipihin vankoihna innte ah hong tun’ uh hi.

Tedim Bible Revision 2017

¹² Tua ciangin Judah mite khempeuh in an, leenggahzu le sathau sung pan sawm-ah-khat hong paipihin vankoihna innte ah hong tun uh hi.

Nehemiah 13:12 Referans Kwoze

Malakhi 3:10

Ka biakinn ah an a om theih nadingin sawm-ah khat a kimin hong paipih un. Kei hong ze-et dih un; vantung kongkhakte hongin, note’ adingin na hoih tampi kong piakna na mu ding uh hi.

Nehemiah 12:44

Tua ciangin khuapite kiimah lo omte a golna leh a neuna tawh kizui-in siampite leh Levi mite’ adingin thukham sunga om bangin a kaihkhop ding uh a kipia nate, anpalte, leh sehsawm suah sehkhatte a koih nading uh vankoihna innte a uk dingin mi kiseh hi; bang hang hiam cih leh siampite leh Levi mite’ nasepna hangin Judah mi khempeuh lungdam mahmah uh hi.

Thu-hilhkikna 14:22

“A kum a kumin na lo uhah a piang, na khaici pan a piang khempeuh sehsawm suah sehkhat na pia ding uh hi.

Siampi Laibu 27:30

“Leitung pana piang seh sawmsuah seh khat khempeuh khaici hita leh singgah hita leh, Topa’ aa ahi hi; Topa adingin siangtho hi.

2 KHANG TANGTHU NIHNATE 31:5

Tua thupiakna a kitheihthang phetin Israel mite in anpalte, leeggahzu, sathau, khuaizu, leh lo-a piang khempeuh tampi tak hong pia uh hi; tua ciangin amaute in na khempeuh sung pan seh-sawm suah seh-khat ahi tampi tak hong paipih uh hi.

Malakhi 3:8

Keimah in note kong dot nop thu in, mi khatpeuh in Pasian’ na a guksak ding kilawm ahi hiam? Kilawm lo hi napi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawm-ah khat piakna leh biak piaknate ah nong guksak uh hi.

2 KHANG TANGTHU NIHNATE 31:4

Tua ciangin Topa’ thukham sepna ah siampite leh Levi mite a kibup piak theih nadingun amau’ ngah ding a kilawm nate, Jerusalem a, teeng mite in amaute tungah a piak nadingun amah in sawl hi.