Nehemiah 12:8 - Tedim Bible

⁸ Levi mite sung panin: Jeshua, Binnui, Kadmiel, Sherebiah, Judah leh Mattaniah hi a, amah in a sanggamte tawh lungdam kohna late a uk hi.

Tedim Bible Revision 2017

⁸ Jeshua, Binnui, Kadmiel, Sherebiah, Judah le Mattaniah hi a, Mattaniah in a sanggamte tawh lungdamkohna late a uk hi.

Nehemiah 12:8 Referans Kwoze

Nehemiah 11:17

leh lungdam koh thungetna patkhiat ding a makai Asaf, a tapa Zabdi, a tapa Mika, a tapa Mattaniah, leh a sanggamte lakah a nihna ahi Bakbukiah, leh Jeduthun’ tapa Galal, a tapa Shammua, a tapa Abda’ suante beh ahi uh hi.

Nehemiah 12:24

Tua ciangin Levi mi ukpite in: Hashabiah; Sherebiah, Jeshua, Binnui, leh Kadmiel hi uh a, Pasian’ mi David’ thupiakna bangin a ban banin phatna lasa ding leh lungdam ko dingin a sanggamte uh tawh na a sem ding uh ahi hi.

Nehemiah 11:22

Jerusalem a, Levi mite ukin Pasian’ inn nasepna a vaanpa in Mika’ tapa Mattaniah, a tapa Hashabiah, a tapa Bani, a tapa Uzzi hi a, amah in lasa Asaf’ suante sung pan ahi hi.

Nehemiah 9:4

Levi mite’ kahlei tungah Jeshua, Bani, Kadmiel, Shebaniah, Bunni, Sherebiah, Bani, leh Khenani ding uh a, Topa amaute’ Pasian tungah nakpi-in kiko uh hi.

Nehemiah 7:48

Lebana’ suante, Hagaba’ suante, Shalmai’ suante,

1 KHANG TANGTHU MASATE 9:33

Tu-in hihte in lasate, Levi mi beh lutangte, nasep dangte panin pengin biakinn deite sungah a teengte ahi uh hi; bang hang hiam cih leh amaute in sun leh zanin na sem uh hi.

Ezra 3:2

Tua ciangin Jozadak’ tapa Jeshua leh a siampi pihte, leh Shealtiel’ tapa Zerubbabel leh a behte hong kipan uh a, Pasian’ mi Moses’ thukham sungah a kigelh bangin meihal biaknate piak nadingin Israel Pasian’ biakna tau bawl uh hi.

Nehemiah 12:7

Sallu, Amok, Hilkiah, leh Jedaiah-te ahi uh hi. Hihte in Jeshua’ hun lai-in siampite leh a sanggamte uh lakah a ukpite ahi uh hi.

Nehemiah 12:9

Tua ciangin a sanggamte uh Bakbukiah leh Unni in amaute tawh kigal sai-in nasem uh hi.

Ezra 2:40

Levi mite sung panin: Hodaviahte beh panin Jeshua suante leh Kadmiel suante sawmsagih-le-li ahi uh hi.

Nehemiah 7:43

Levi mite sung panin: Hodevah-te beh panin Jeshua’ suante leh Kadmiel’ suante mi sawmsagih-le-li ahi hi.