Nehemiah 12:44 - Tedim Bible

⁴⁴ Tua ciangin khuapite kiimah lo omte a golna leh a neuna tawh kizui-in siampite leh Levi mite’ adingin thukham sunga om bangin a kaihkhop ding uh a kipia nate, anpalte, leh sehsawm suah sehkhatte a koih nading uh vankoihna innte a uk dingin mi kiseh hi; bang hang hiam cih leh siampite leh Levi mite’ nasepna hangin Judah mi khempeuh lungdam mahmah uh hi.

Tedim Bible Revision 2017

⁴⁴ Tua ciangin khuapiteʼ kiimah lo omte panin a golna le a neuna tawh kizui-in siampite le Levi mite adingin thukham sunga om bangin a kaihkhop ding uh a kipia nate, anpalte le sawm-ah-khatte a koih nading uh vankoihna innte a uk dingin mi kiseh hi; bang hang hiam cih leh siampite le Levi miteʼ nasepna hangin Judah mi khempeuh lungdam mahmah uh hi.

Nehemiah 12:44 Referans Kwoze

ROM (Romans) 12:7

Nasepna za i ngah leh, tua na sem ni. Thuhilh mi in thuhilh na sem ta hen.

Isaiah 40:31

Ahih hangin Topa a ngak mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

Paunak 8:34

Ka thugenna ngai mipa, ni simin ka kong gei-ah omin, ka inn-ah a ngak mipa in thupha ngah ding hi.

1 KHANG TANGTHU MASATE 23:28

“ahih hangin amaute’ nasep in Topa’ inn nasepna ah Aaron’ suante huhin, inntualte leh inndeite kemin, biakna na khempeuh a siangtho sak ding, leh Pasian’ inn nasepna ah hih ding khat peuhpeuh a sem ding ahi uh hi;

1 KHANG TANGTHU MASATE 9:26

bang hang hiam cih leh Levi mi ahi kongpi a cing ukpi lite in inn sungte leh Pasian’ inn van manpha koihnate a uk ahi uh hi.

Gamlak-vakna 3:10

Nangmah in Aaron leh a tapate na seh ding a, amaute in a siampi nasep uh don ding uh hi; ahih hangin midang khatpeuh a nai-ah a pai leh, tua mi kithat ding hi,” a ci hi.

Thu-hilhkikna 18:8

Amah in a gamluah a zuakna pan a sum ngahte banah nek ding a kikimin amaute tawh tanh ngah khawm ding hi.

1 KHANG TANGTHU MASATE 26:20

Tua ciangin Levi mite sung panin Ahijah in Pasian’ inn van manpha koihleh a ki-ap letsong koihnate uk hi.

Nehemiah 10:36

thukham sunga a kigelh mah bangin, i Pasian’ innah a om, i Pasian’ inn sungah na a sem siampite kiangah zong i tapa upapente leh i bawngte’ tacilte, leh i ganhonte’ tacilte leh i tuuhonte’ tacilte i paipih nading,