Nehemiah 1:9 - Tedim Bible

⁹ ahi zongin kei kiangah hong ciahkikin ka thupiaknate zui-in na sep uh leh leimong dongah a kithehthangsa na mite uh kaikhawmin keima min om nadingin ka telnasa munah amaute ka ciahpih ding hi,’ ci-a na thugen hong phawkkik in.

Tedim Bible Revision 2017

⁹ Ahi zongin kei kiangah hong ciahkikin ka thupiaknate zui-in na sep uh leh leimong dongah a kithehthang sa na mite uh kaikhawmin keima min om nadingin ka teelna sa munah amaute ka ciahpih ding hi,’ ci-a na thugen hong phawkkik in.

Nehemiah 1:9 Referans Kwoze

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Mattiu 24:31

Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Jeremiah 12:15

Ahih hangin amaute ka lakkhiat khit ciangin ka hehpih kik ding a, amau’ luah ding amau’ gam ciatciat uhah ka koihkik ding hi.

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte ama kiangah ka kaikhawm lai ding hi, ci hi,” a ci hi.

Late 147:2

Topa in Jerusalem khuapi lam a, amah in a kinilkhia Israelte kaikhawm hi.

Ezra 6:12

Hih ka thupiakna a siasak nuam, Jerusalem a, Pasian’ inn a susia nuam kumpi khatpeuh ahi a, mi khatpeuh ahi zongin a om leh, ama min om nading a, tua mun a bawl Pasian in tua mipa lawnthal ta hen. Keimah Darias in thu kong pia hi; ka thupiak bang tektekin sep ding ahi hi,” a ci hi.

Thu-hilhkikna 12:5

Topa na Pasian un na minam khempeuh uh sung panin ama min koih nadingin teelin, ama om nadinga a bawlna mun na zong ding uh hi;

Ezekiel 36:24

Gam khempeuh leh minam khempeuhte lak panin note hong kaikhawm kikin na gam uhah kong tun’pih kik ding hi.

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.

Late 106:47

Topa, kote’ Pasian aw, kote hong hon in la, nangma min siangtho kong phat theih nading uh leh nangma tungah lungdamna kong koh theih nadingun, minamte lak panin kote hong kaikhawm kik in.

1 KUMPI MASATE 9:3

Topa in ama kiangah, “Keima mai-ah na hihsa na thungetna leh na thuumna ka za khin hi; na lamsa hih inn ka ap khin a, a tawntungin keima min kemin ka kipsak ding hi; a tawntungin tua ka hu ding hi.

Jeremiah 3:14

Hong kilehkik un, a zulhzau ka tate aw, Topa in kong ci hi; bang hang hiam na cih uh leh keimah in note’ Topa ka hi a, khuapi khat panin mi khat ta leh beh khat sung panin nih ta hong la-in, Zion khua-ah kong puak ding hi.

1 KHANG TANGTHU MASATE 16:35

“Kote hong khahkhia in, ka kihotkhiatna Pasian aw, minamte lak panin hong kaikhawmin hong honkhia in, na min siangtho tungah lungdamna kong koh theih nading uh, leh nangmah phatna ah ka minthan’ nadingun,

Thu-hilhkikna 12:21

Topa na Pasian un ama min koih nadingin a teelna mun in note kiang panin a gamla lua ahih leh, note kong thupiaksa bangin Topa in no hong piaksa na bawnghon uh pan ahi a, na tuuhon uh pan ahi zongin khatpeuh peuh na go thei ding uh hi; na duh zahzah uh na khua sung uhah na ne thei ding uh hi.

1 KUMPI MASATE 8:48

amaute manin a puakhia a galte uh leitangah a ngaihsutna khempeuh leh a lungsim khempeuh uh tawh amaute kisikkik in, nangmah in na teelsa khuapi, amau’ pute tungah na piaksa amau’ leitang, leh nangma min dingin ka lam inn lam nga-in nangma tungah thu hong nget uh leh

Isaiah 27:12

Israel mite aw, tua ni ciangin Eufrates gunpi panin Izipt Luipi dongin Topa in tuancil ding a, note khat khatin hong kikaikhawm ding hi.

Jeremiah 6:22

Topa in, “En un, leilu lam gam panin mi hong pai uh a, leimong gamlapen panin gam lian khat galsim dingin kithawithawi hi.

Ezekiel 14:6

”Tua ahih ciangin Topa Pasian ahi keima thugen pen Israel mite tungah gen in: Hong kihei kik un la, na milimte uh nusia un.

Siampi Laibu 26:3

“Note in ka thukham zui-in ka thupiaknate mangin tuate na sep uh leh,

Thu-hilhkikna 30:1

“Note mai-ah ka koih, na teel ding uh thupha leh samsiatna, hih nate khempeuh note tungah hong tungin, Topa in note hong hawlkhiatna minamte lakah hih thute phawk kikin,

Zekhariah 8:7

Nisuahna leh nitumna gamte panin ka mite ka honkhia ding a,