Nehemiah 1:5 - Tedim Bible

⁵ Ka thungetna-ah, “Aw vantung Pasian, Topa, nang hong itin na thupiakna a zuite tungah na thuciamna lim takin a zui, a lian a kihtak-huai Pasian aw,

Tedim Bible Revision 2017

⁵ Ka thungetna ah, “Aw vantung Pasian, Topa, nang hong itin na thupiakna a zuite tungah thuciamna limtakin a zui, a lian a kihtakhuai Pasian aw,

Nehemiah 1:5 Referans Kwoze

Paikhiatna 20:6

ahih hangin kei hong it-in ka thupiakte a zui mi a khang tul tampite' tungah itna kip a lakpa ka hi hi.

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Nehemiah 4:14

Mite’ launa ka muh ciangin, uliante leh mi ukte leh mikhempeuh tungah, “Amaute kihta kei un. Na sanggamte, na tapate, na tanute, na zite uh leh na inn na lote uh adingin hong dosak, a lian a kihtak-huai Topa phawk un,” ka ci hi.

Thu-hilhkikna 7:9

Tua ahih ciangin Topa na Pasian uh Pasian hi a, amah itin a thupiakna a zuite tungah khang tul khat dongin thuciamna leh itna kip lenin a thuman Pasian,

Nehemiah 9:32

“‘Tua ahih ciangin tu-in a lian, a vanglian, a kihtakhuai, itna tawh kipawl thuciamna kip takin a len kote’ Pasian aw, Assiria kumpite’ hun-a kipan tu ni dongin ka kumpite uh, ka uliante uh, ka siampite uh, ka kamsangte uh, ka pu ka pate uh leh ko mi khempeuh tungah hong tung gimnate hong neu ngaihsut sak kei in.

1 KUMPI MASATE 8:23

amah in, Israel Pasian, Topa aw, tunga om vantungah ahi a, nuai-a om leitungah ahi zongin, nangma mai-ah a lungsim khempeuh uh tawh a pai, na nasemte tungah thuciamna lenin itna kip a lak, nang tawh a kibang Pasian om lo hi;

1 KHANG TANGTHU MASATE 17:21

Izipt panin na hotkhiatna mite mai-ah minamte hawlkhiatna tawh nang adingin a lian a lauhuai min khat na bawlna, Pasian pai-in ama mi dingin a hotkhiatna mi Israelte tawh a kibang leitungah minam dang kua om ahi hiam?

Late 47:2

Bang hang hiam cih leh Topa, a Sang Penpa, dipkuat-huai-a, leitung khempeuhah kumpi lian khat ahi hi.

Late 89:2

Bang hang hiam cih leh na itna kip kho tawntung a, na thutakna, vantung bangin kip tawntung hi.

Late 89:3

Nangmah in, “Ka teelpa tawh thuciamna khat ka bawl zo a, ka nasem David tungah thu ka ciam zo hi:

Thu-hilhkikna 7:12

“Note in hih ngeina kipte za-in, kemin tuate na zuihna hangun, Topa na Pasian un na pu na pate uh tungah a ciam thuciamna leh itna kip note tungah hong tung sak ding hi;

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

Nehemiah 4:8

Tua hi a, Jerusalem hong simin buaina a piangsak dingin amaute kipawlin vaihawmna khat nei uh hi.

Late 76:8

Vantung panin nangmah in thukhenna na genkhia hi; gimna a thuak leitung mi khempeuh hon dingin Pasian in thu khen ding hong kipat ciangin leitung lau-in taang loin om hi.

Late 89:8

Mi honte Topa Pasian aw, na khempeuh ah na thutak a, nangmah banga vanglian kua om ahi hiam? Topa aw.