Nehemiah 1:3 - Tedim Bible

³ Salsuahna panin a suakta, tua gam-a a om suakte in haksatna lianpi leh maizumna a ngahna uh, leh Jerusalem kulh kicimin kulhkongpite mei in a kattumna thu hong gen uh hi.

Tedim Bible Revision 2017

³ Salsuahna panin a suakta, tua gam a om suakte in haksatna lianpi le maizumna a ngahna uh le Jerusalem kulh kicimin kulh kongpite mei in a kat tumna thu a hong gen uh hi.

Nehemiah 1:3 Referans Kwoze

Nehemiah 2:17

Tua ciangin amaute kiangah, “I lungkhamna thu na thei uh hi. Jerusalem a siasa-in omin, a kongpite mei in kangtum hi. Hong pai un, zahkona i ngah nawn loh nadingin Jerusalem kulh ciang pha ni,” ka ci hi.

2 KUMPI NIHNATE 25:10

Tua ciangin a cingte a ukpa tawh a om Khaldea mi galkapte khempeuh in Jerusalem kimkot a, kulhpi susia uh hi.

Nehemiah 7:6

Babilon kumpipa Nebukhadnezzar in a zawhna gam panin sal-in a lak mite sung panin hihte in, Zerubbabel, Jeshua, Nehemiah, Azariah, Ra-amiah, Nehamani, Mordekai, Bilshan, Mispereth, Bigvai, Nehum leh Baanahte’ makaihna tawh Jerusalem leh Judah gam sung amau khua ciatah a hong ciahkik mite ahi uh hi. Israel mite sung panin mi a phazah in:

Nehemiah 2:13

Kuam Kongpi tawnin Gulpi Tuikhuk leh Nin Kongpi lamah ka pai a, a kicimsa Jerusalem kulhpi leh mei in a kattumsa a kongpite ka en hi.

Nehemiah 2:3

kumpipa ka dawng a, “Kumpipa nungta tawntung in. Ka pute ka pate a kivuina khuapi sia gawp a, a kongpite kangtum ahih ciangin maikhing loin bangci om theih ding ka hi hiam?” ka ci hi.

Ezra 5:8

Judah gam, alian Pasian’ innah ka va paina uh kong theisak uh hi. Tua inn pen suang lianpite tawh kilamin a kawmte sing tawh kibawl hi; hih inn lim takin kisemin amau’ makaihna tawh a nasep uh telh mahmah uh hi.

Kah la 5:1

Topa aw, kote tunga, thupiangte hong phawk in. Hong en in la, ka maizumna uh hong mu in.

Kah la 3:61

Topa aw amau’ hong simmawhnate na thei zo a, a ngimnate khempeuh uh zong na thei zo hi.

Kah la 1:7

Tu in Jerusalem kisia zo ta a, nidanga a thupitnate a nung phawk kik uh hi. Galte in a sim lai takin a huh ding khat beek a om kei hi. Guallel ahih manun a galte in a nuihsan uh hi.

Jeremiah 52:14

Amah tawh a omkhawm Khaldea galkap khempeuh in Jerusalem khua kimkot a, kulh khempeuh a susia uh hi.

Jeremiah 42:18

“Bang hang hiam na cih uh leh a vanglian Topa, Israel mite’ Pasian in kong cih-inah: Jerusalem khua-a teeng mite’ tungah ka hehna leh ka thangpaihna a kibuak mah bangin Izipt gam na pai uh leh note tungah ka hehna hong kibua ding hi. Mite in note hong lipkhap ding a, kihaamsiatna-in hong zangin hong zahko ding uh hi. Note in hih mun na mu kik nawn kei ding uh hi, ci-in a gen hi,” a ci hi.

Jeremiah 39:8

Khadea mite in kumpipa’ inn leh midangte’ innte a hal uh a, Jerusalem khua kulhpi a susia uh hi.

Jeremiah 29:18

Amaute namsau, kialpi leh pulnatna tawh ka nung delh ding a, ka hawlkhiat nading mun khempeuh ah mite in kihaamsiatna-a a zat dingun simmawhna leh zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Jeremiah 24:9

Amaute ka hawlkhiat nading mun khempeuh mite in kihaamsiatna a, a zat dingun simmawhna leh zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Jeremiah 5:10

“A gual-a a kisuan a leenggah huan sungah pai in la, suksiat sak in; ahi zongin suk maimangsak sam kei in. A hiangte heuh khiatsak in, bang hang hiam cih leh tuate Topa’ aa hi lo hi.

Isaiah 43:28

Na uliante un ka biakinn mindaisak uh ahih manin, Israel tungah zahhuaina ka tungsak a, Jakob ka siasak hi.

Isaiah 5:5

Tu-in, ka leenggui lo tungah ka hih ding note tungah kong gen ding hi. A daai ka lakhia ding a, kinemang ding hi; a gawl ka susia ding a, kituancil ding hi.

Late 79:4

Kote in ka vengte uh’ zahko, ka kim uh-a omte’ ko leh nuihsat ka suak khin uh hi.

Esther 1:1

Hih lai-a kigen thu piangte pen India gam panin Ethiopia gam dong, gamneu za khat sawmnih-le-sagih a uk Ahasu-eras’ hun lai-a piang thu ahi hi.

Nehemiah 11:3

Hih anuai-ate in Jerusalem-a a teeng a uksawn ukpite ahi hi; ahi zongin Judah khuapi dangte ah Israel midangte, siampite, Levi mite, biakinn nasemte, leh Solomon’ nasemte’ suan leh khakte teeng uh a, amau’ neihsa, a khuapi ciat uhah teeng uh hi.

Ezra 2:1

Babilon kumpipa Nebukhadnezzar in a zawhna gam panin Babilon ah sal-in a lakte sung panin hih mite Jerusalem leh Judah ah a ciahkikte hi a, amau’ khua ciatah a ciah uh hi.

1 KUMPI MASATE 9:7

amaute ka piaksa leitang panin Israel ka lakhia ding hi; tua ciangin ka min dingin ka apsa inn pen ka muhna panin ka lawnkhia ding hi; tua ciangin Israel in mi khempeuh lakah paunak leh thugentehna suak ding hi.

Paunak 25:28

Ama lungsim a ki-uk zolopa in, dalna kulhpi a nei lo khuapi tawh kibang hi.

Kah la 2:9

Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa leh miliante salin a om khin uh hi. Thukham kihilh nawn lo a, kamsangte in Pasian kiang pan mang a mu nawn kei uh hi.

Siampi Laibu 26:31

Keimah in na khuapite uh siasakin, na biakinnte uh gamkhing ka suaksak ding a, nomau’ gim namtuite ka diik kei ding hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

2 KHANG TANGTHU NIHNATE 36:19

Tua ciangin amaute in Pasian’ inn halin Jerusalem kulh nusia uh a, a kumpi inn khempeuh mei tawh halin a um-le-beel manpha khempeuh susia uh hi.