Nahum 3:17 - Tedim Bible

¹⁷ Na uliante uh ahih leh, phalbi lai-in kulh tungah a bawm miamua, ni a suah ciangin leeng khia mangin, a omna mel a kithei lo kauphe hon tawh kibang hi.

Tedim Bible Revision 2017

¹⁷ Na uliante uh ahihleh, phalbi hun lai-in kulh tungah a bawm miamua, ni a suah ciangin leeng khia mangin, a omna mel a kithei nawn lo kauphe hon tawh kibang uh hi.

Nahum 3:17 Referans Kwoze

Mangmuhna 9:7

Tua kauphete meel in galsim dinga kisa khol sakol tawh kibang hi. Amau lu tung uhah kham kumpi-lukhu tawh kibang a om hi. A maitang un pasal’ maitang tawh kibang hi.

Jeremiah 51:27

“Leitungbup galsim dingin thu pia un; gamdangte kiangah peengkul mut un. Amah sim dingin kithawi sak in; Ararat, Minni leh Ashkenaz gamte sim sak un. Makai khat teel un la, kauphe honpi bangin sakolte va la un.

Ezekiel 31:12

Thu khualna a nei lo gamdang mite in tua singkung phukin nusia cip ding uh hi. Mual khempeuh leh guam khempeuh ah, a hiang kitante kia ding uh hi. A liim a beel minam khempeuh in taisan ta ding uh hi.

Nahum 2:9

Ngunte la un! Khamte la un! Khua sungah sum manpha bei cih om thei lo a, van manpha bei cih om thei lo hi.