Nahum 3:13 - Tedim Bible

¹³ Na galkapte, numei bang hi lel ding a, na galte a lut zawh lohna dingin, na gamsung kihu zo lo ding hi. Mei in na kulh kongpi zawlte kangtum ding hi.

Tedim Bible Revision 2017

¹³ Na galkapte, numei bang hi lel dinga, na galte a lut zawh loh nadingin na gam sung kihu zo lo ding hi. Na kulh kongpi zawlte mei in kaang tum ding hi.

Nahum 3:13 Referans Kwoze

Jeremiah 51:30

Babilon galkapte in a do nawn kei uh a, a phualpi uhah a khawl uh hi. A tha uh om nawn lo a, numei tawh a kibang uh hi. A innte uh kihal sak a, a khua kongpi kalhna siktawnte uh a kitan hi.

Isaiah 19:16

Tua ni ciangin Izipt mite pen numei bang ding uh a, Vanglianpen Topa in amaute tungah a khut a sin’sanna hangin lau-in liing ding uh hi.

Nahum 2:6

Tui luan’ na gei-a kulh kongpite kisatkham a, kumpi inn sungah patauhna om hi.

Jeremiah 50:37

Sakolte leh sakol leengte, numei tawh kibang a galkap cialte uh, namsau tawh kithat uh hen! A sum a pai khempeuh uh, kituahmang sak hen!

Late 147:13

Bang hang hiam cih leh amah in na kulh kongpi zawlte tosak a, na mite, thupha hong piaksak hi.

Late 107:16

Bang hang hiam cih leh amah in sumngo kongkhakte sukhamin, sikzawlte tum nih suah hi.

Jeremiah 50:36

Kamsang zuau mihaite namsau tawh kithat uh hen! A meidawi a galkapte namsau tawh kithat uh hen!

Nahum 3:15

tua bang na hih laitakin mei in hong kangtumin, galte in hong vatlum ding hi. Kauphe honpite in an a nek tum bangin, nang na beimang ding hi. Kauphe bangin tampitak na pha khin uh hi.

Obadiah 1:9

Teman khua aw, Esau mual ah mi khempeuh a kithahlup khit nadingin, na galhangte a thanem ding uh hi.

Nahum 2:7

Kumpinu kimanin kipua khia a, a nasemte thuumin kap uh a, dahin a dip uh hum uh hi.