Nahum 2:5 - Tedim Bible

⁵ Galkap mangte kikaikhawm a, a galkapte uh thupia hi. Amaute, kan phung lam kiden’na uh a, a lum uh tawh kidal uh hi.

Tedim Bible Revision 2017

⁵ Galkap mangte kikaikhawm a, a galkapte uh thu pia uh hi. Amaute, kan phung lam kidenna uh a, a lum uh tawh kidal uh hi.

Nahum 2:5 Referans Kwoze

Jeremiah 46:12

Gamdangte in na zum huaina uh hong za khin uh a, leitung bup-ah na kahna aw uh kiza hi. Na galkapte uh khat leh khat kiphu kha-in, a nihun a pukkhawm uh hi,” a ci hi,

Nahum 3:18

Assiria kumpipa aw, na gamsung a ukte si ta a, na uliante ihmu paisuak uh hi. Na mite, mualtung tengah kithehthang a, inn-ah a kaikhawm ding kuamah om lo hi.

Nahum 3:3

sakol tung tuangte’ galsimna, namsau phe zalzal, teipi te zalzal! Siluang hawm sim zawh ding hi lo, kiciangin vum venvan. Tua tung mah tawnin gal kido!

Jeremiah 50:29

“Babilon khua sim dingin thal kap siam, thal tawi theite va sam un. Khuapi umcih un la, kuamah suakta sak kei un. Ama’ hihna tawh kituak-in, ama tungah hih un. Ama’ hih ngei mah bangin ama tungah bawl un. Bang hang hiam cih leh amah in kisa thei-in Topa ahi, Israel mite’ Siangtho Pa a simmawh hi.

Isaiah 21:5

Amaute in sabuai phahin, sual puante phah uh a, ne-in, dawn uh hi. Uliante aw, tho un, lumte sathau nuh un!

Isaiah 5:27

Tua a hong pai mite kuamah gim lo uh hi, kuamah tuk lo uh hi, kuamah lusu lo, ihmu lo uh hi, dialkaih khat zong kol lo hi, khedap khau khat zong tat lo hi;

Nahum 2:6

Tui luan’ na gei-a kulh kongpite kisatkham a, kumpi inn sungah patauhna om hi.

Habakkuk 1:8

A sakolte uh, kamkei sangin tai hatzaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei-ah a khe phut uh hi. Muvanlai in sa a bawh bangin, a galte len’lak uh hi.